पुर्पक्षमा जेलमा रहेका लागू आैषध काराेबारि तथा प्रयाेकर्ताकाे मृत्यु

उपचारका क्रममा धनगढीमा एक जना थुनुवाको मृत्यु भएको छ । घोडाघोडी नगरपालिका–३ का श्याम थापामगरको शुक्रबार राति सेती अस्पतालमा मृत्यु भएको हो ।

फोक्सोमा समस्या देखिएपछि उनलाई ३ दिन अघि सेती अस्पतालमा भर्ना गरिएको जिल्ला कारागार कैलालीका निमित्त जेलर उश्मा थापाले बताए । ‘३ महिनादेखि उनको उपचार गराउँदै आएका थियौं,’ उनले भने, ‘ स्वास्थ्यमा थप समस्या देखिएपछि आइसियुमा राखिएको थियो । हिजो राती मृत्यु भयो ।’

उनी लागुऔषध प्रयोगकर्ता तथा कारोबारी थिए । जिल्ला अदालत कैलालीले ६ महिना अघि उनलाई पुरपक्षका लागि थुनामा राख्ने आदेश दिएको थियो । ‘शव परीक्षण गरेर उनलाई आफन्तको जिम्मा लगाउने तयारी छ,’ उनले भने, ‘आजै परिवारको जिम्मा लगाउँछौं ।’