२०८१ मङि्सर ०८ गते शनिबार
कंचनपुरमा मंगलबार ‘बुस्टर डोज’ पुगेको स्वास्थ्य कार्यालय कञ्चनपुरका खोप फोकल पर्सन जनक कुँवरले बताए ।
उनका अनुसार कञ्चनपुरमा पहिलो चरणमा २ हजार ३ सय डोज खोप पुगेको छ । ‘हिजो मात्रै खोप पुग्यो, आज पालिकाहरुलाई खोप वितरण भइरहेको छ,’ उनले भने, ‘स्थानीय तहहरुले केन्द्र तोकेर खोप लगाउँछन् ।’
कोरोनाको उच्च जोखिममा रहेकाहरुलाई बुस्टर डोज लगाइने कुँवरको भनाई छ । उनका अनुसार स्वास्थ्यकर्मी, सुरक्षाकर्मी, सञ्चारकर्मीहरु लाई बुस्टर डोज लगाइनेछ । ‘पहिलो चरणमा फ्रन्ट लाइनमा काम गर्नेहरुलाई खोप लगाइन्छ,’ उनले भने, ‘दोस्रो चरणमा अन्यलाई लगाइने छ ।’
कोरोनाबिरुद्धको दुई डोज खोप लगाएकाहरुलाई मात्रै बुस्टर डोज लगाइने स्वास्थ्य कार्यालय कञ्चनपुरले जनाएको छ । भीमदत्त नगरपालिकाले माघ ९ गतेदेखि बुस्टर डोज लगाउने जनाएको छ ।
सरकारले माघ १४ गतेदेखि ६० वर्षमाथिका जेष्ठ नागरिकलाई बुस्टर डोज लगाउने जनाएको छ । तर, कञ्चनपुरमा तोकिएकै समयमा जेष्ठ नागरिकले खोप पाउने सम्भावना कम छ । विशेष स्वास्थ्य स्थिति भएका मानिसमा रोग प्रतिरोधी क्षमता विकास गर्न खोपको दुई मात्रा मात्र पर्याप्त नहुने देखिएपछि तेस्रो मात्राको आवश्यकता पुष्टि भएको बताइन्छ ।
थप खोप दिएर एन्टिबडी लेभल बढाउने प्रयास गरिएन भने रोग प्रतिरोधात्मक शक्ति कम हुने र फेरि रोग लाग्ने सम्भावना बढ्दै जान्छ । बुस्टर डोज किन लगाइन्छ भन्नेमा दुईवटा कारणहरु छन् ।
पहिलो रोग प्रतिरोधात्मक क्षमता समयअनुसार घट्दै गइरहेका कारणले । र, कुनै निश्चित एन्टिजेन बारम्बार एक्सपोज नभएमा रोग प्रतिरोधात्मक प्रणालीले रोग वा संक्रमणलाई रोक्न कम सक्षम हुने हुँदा ।
खोपको बुस्टर डोजले रोग प्रतिरोधात्मक प्रणालीको सुरक्षात्मक प्रतिक्रिया कायम राख्न सहयोग गर्छ । त्यसैगरी अर्को कारण हो भाइसरको भेरियन्ट । बुस्टर डोजले अनुवांशिक गुण परिवर्तन गरेको भाइरसविरुद्ध नयाँ रोगप्रतिरोधी क्षमताको विकास गर्न सहयोग गर्छ ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया