कैलालीको धनगढीमा कोठाभित्र मृत फेला परेकी कञ्चनपुरकी युवतीको घाँटीमा धारिलो हतियार प्रहार गरी हत्या गरिएको खुलेको छ ।
कैलाली प्रहरीका अनुसार कञ्चनपुरको पुनर्वास नगरपालिका–११, अमर बस्तीकी ३० वर्षीया रेणु चौधरीको हत्या गरिएको खुलेको छ ।
खानेपानी संस्थान धनगढीमा कार्यालय सहयोगीका रूपमा कार्यरत रेणु केही समयदेखि धनगढी उपमहानगरपालिकाको एक कोठामा भाडामा बस्दै आएकी थिइन् । उनको घाँटीमा धारिलो हतियार प्रहार भएको र कन्चटमा पनि चोटपटक लागेको प्रहरीको भनाई छ ।
घटनाको अनुसन्धानका लागि तालिमप्राप्त कुकुरको समेत प्रयोग गरिएको छ।’
प्रारम्भिक प्रहरी अनुसन्धान अनुसार मृतक रेणु पछिल्ला दुई महिनादेखि एक युवकसँगै सो कोठामा बस्दै आएकी थिइन् । ती युवकको परिचय भने खुल्न बाँकी रहेको प्रहरीले जनाएको छ ।

तपाईंको विज्ञापन यहाँ राख्नुहोस्