२०८३ भदौ २४ गते बुधबार
लालझाडी गाउँपालिका वडा नं ५ र देखतभुलि खानेपानी तथा सरसफाई समितिको साझेदारीमा वडा नम्बर ५ मा बसोबास गर्ने अति विपन्न, अपाङ्ग र सहिद परिवार जसले खानेपानीको धारा आफै जोड्न सक्नुभएन यस्ता परिवार हरुलाई खानेपानीको सहज पहुच पुऱ्याउन का लागी घरमै खानेपानीको धारा जडान गरिदिएको छ।
धारा जोड्नका निमित्त ७ हजार लाग्ने भएपनि वडा कार्यालयको सहयोगमा ५०% छुट गरी दीपक पनेरु, मानमती ठगुन्ना, धनसिंह धामी, शम्भुराज जोशी, रामकुमारी चौधरीको घरमा धारा जडान गरिएको छ ।
यसैगरी चमरू राना, लक्ष्मी दमाई, सीता राना, देव दमाई, द्रोपती दमाई, विक्रम बिष्ट र गौरी टमाटाको घरमा धारा जडान गरिएको छ भने बैजनाथ बाल ज्योति आधारभूत विद्यालय र देखतभूली स्वास्थ्य चौकीमा धारा जडान गरिएको खानेपानी समितिका कर्मचारी खेम सिह धामीले जानकारी दिनुभयो ।
आइतबार जडान गरिएका धाराहरूको अनुगमन वडाका अध्यक्ष पहलबहादुर थापा र खानेपानी तथा सरसफाई समितिका अध्यक्ष भजना रानाले संयुक्त रुपमा गरेका छन् ।
खानेपानी समितिले बैजनाथ सिद्धनाथ मन्दिर कृष्णपुर नगरपालिका वडा नम्बर ३ कटान, सिद्धनाथ बैजनाथ मन्दिर लालझाडी गाउँपालिका वडा नं ५ नन्द मावि चोक र बैजनाथ सिद्धनाथ मन्दिर लालझाडी ५ बैजना टोल मा धारा जडान गरेको छ।
स्वास्थ्य र तन्दुरस्त रहनका लागि शुद्ध पिउने पानीको पनि महत्त्वपूर्ण भूमिका रहेको हुँदा समितिले सम्पूर्ण देखतभुली बासीलाई शुद्ध पिउने पानीको धारा जडान गर्न आग्रह गरेको छ ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया