२०८३ भदौ २४ गते बुधबार
काठमाडौंबाट रोल्पातर्फ जाँदै गरेको यात्रुबाहक बस र ट्रक ठोक्किँदा नवलपरासीको दाउन्ने क्षेत्रमा गम्भीर दुर्घटना भएको छ । पूर्व–पश्चिम राजमार्गअन्तर्गत पर्ने बतासेडाँडामा भएको उक्त दुर्घटनामा दुवै सवारीसाधन सडकबाट खस्दै खोलामा पुगेका छन् ।
इलाका प्रहरी कार्यालय बर्दघाटका डीएसपी कृष्णप्रसाद डाँगीका अनुसार दुर्घटनामा कम्तीमा दुई जनाको ज्यान गएको पुष्टि भएको छ भने १९ भन्दा बढी यात्रु घाइते भएका छन् । घाइतेहरूलाई तत्काल उद्धार गरी जिल्ला अस्पताल परासीमा उपचारका लागि लगिएको छ ।
प्रहरीका अनुसार लु २ ख २३५१ नम्बरको बसलाई सोही दिशाबाट आइरहेको ना ७ ख ९३८८ नम्बरको ट्रकले ठक्कर दिएको थियो । ठक्करको प्रभावले दुवै सवारी नियन्त्रण बाहिर गई खोलामा खसेका हुन् ।
दुर्घटनामा मृतकको संख्या अझ बढ्न सक्ने आशंका गरिएको छ । प्रहरीले घटनाबारे थप अनुसन्धान अघि बढाएको जनाएको छ ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया