मसुरिया स्वास्थ्य केन्द्रकाे नया भवन उद्धाटन

मसुरिया

२०७८ फागुन ०६ गते शुक्रबार

घनश्याम पाैडेल - मसुरिया स्वास्थ्य चौकिको नयाँ भवनको बिहिबार उद्घाटन गरिएको छ ।
६ कोठा रहेको भवनको सुदुरपश्चिम प्रदेश सरकारका भौतिक पूर्वाधार विकास मन्त्री दिर्घ बहादुर सोडारीले उद्घाटन गरेका हुन् ।
भवन उद्घाटन कार्यक्रमलाई सम्बोधन गर्दै मन्त्री सोडारीले प्रदेशको संरचना अनुरुप सेवा प्रवाह गर्न कर्मचारी व्यवस्थापन गर्न प्रदेश लोकसेवा आयोगमा सिफारिस गरिने प्रतिबद्धता व्यक्त गर्नुभएको छ ।
मन्त्री सोडारीले स्थानीय बासिन्दाको विकास प्रतिको चाहना माग अनुसार ऐठा शिवपुर जोडने पुल निर्माण बहुवर्षीय आयोजना प्रक्रियामा गएको भन्दै जनताको बिचमा गरेका बाचा व्यवहारमा उतार्न ध्यान केन्द्रित गरीरहेको बताएका छन् ।
वडा नं ९ का अध्यक्ष एवं स्वास्थ्य चौकी व्यवस्थापन समितिका अध्यक्ष हरि प्रसाद तिवारीको अध्यक्षतामा भएको कार्यक्रममा स्वास्थ्य कार्यालय कैलालीका प्रमुख लालबहादुर धामीले मन्तव्य राखेका थिए ।
सामाजिक विकास मन्त्रालयको आ.व. २०६७/७७ को विनियोजन करिब ६८ लाख २६ हजार ४ सय २२ रुपैयाँको लागतमा भवन निर्माण सम्पन्न भएको हो ।
नयाँ भवनबाट बिरामी जाँच, फार्मेसी र आँखा उपचार युनिटको सेवा प्रवाह हुने स्वास्थ्य चौकी प्रमुख लालप्रसाद पन्तले जानकारी दिए ।