भारतिय गाडिले ठक्कर दिदा नेपाली नागरिककाे मृत्यु ।

महेन्द्रनगर

गंगा भट्ट

२०७८ मङि्सर १९ गते आइतबार

भारतिय गाडिले ठक्कर दिदा नेपाली नागरिककाे मृत्यु ।

पूर्व-पश्चिम राजमार्ग अन्तर्गत कञ्चनपुरको कृष्णपुर नगरपालिका वडा नम्बर २ बाणीमा भारतीय नम्बर प्लेटको कारको ठक्करबाट पैदल हिँडिरहेका एक जना वृद्धको मृत्यु भएको छ । डी एल १ जेड सी ४७५४ नम्बरको कारको ठक्करबाट आइतबार बिहान बाणीका ७२ वर्षीय तारा नाथको मृत्यु भएको कञ्चनपुर प्रहरी प्रवक्ता एवं प्रहरी नायव उपरीक्षक चक्रबहादुर शाहले जानकारी दिनुभयो । कार प्रहरीको नियन्त्रणमा छ भने चालक फरार रहेको बताइएको छ । दुर्घटना पछि उक्त क्षेत्र तनावग्रस्त बनेको छ । दोषीलाई नियन्त्रणमा लिई क्षति पूर्ति नहुँदासम्म आन्दोलन जारी राख्ने मृतकका आफन्त र स्थानीयको चेतावनी छ । बालुवा, ढुङ्गा तथा गिट्टी बोक्ने ढुवानीका साधनहरू राजमार्ग क्षेत्रमा अव्यवस्थित तरिकाले रोकिराखेको हुँदा दुर्घटना बढ्दै गएको स्थानीयको भनाइ छ । ट्राफिक प्रहरीको अनुपस्थिति र बेवास्ताले बेलाबेलामा दुर्घटना बढ्दै गएको प्रति स्थानीय नागरिकहरू आक्रोशित छन् ।