महेन्द्रनगर - काँग्रेस सभापति शेरबहादुर देउवाले आफ्नो टीमसहित उम्मेदवारी दर्ता गरेका छन् । देउवा पक्षले उपसभापतिमा विजयकुमार गच्छदार र पूर्णबहादुर खड्कालाई उम्मेदवार बनाएको छ ।
यस्तै महामन्त्रीमा प्रदीप पौडेल र प्रकाशशरण महतको नाम फाइनल भएको छ । यसैगरी देउवा टीमबाट सहमहामन्त्रीमा जनजातिबाट भीष्मराज आङ्देम्बे, दलितबाट मानबहादुर विश्वकर्मा, मधेसीबाट महिन्द्र यादव, खस आर्यबाट किशोर सिंह राठौर, थारुबाट उमाकान्त चौधरी, मुस्लिमबाट फर्मुल्लाह मन्सुर उम्मेदवार रहने भएका छन् । यस्तै पिछडिएको क्षेत्रबाट जीवनबहादुर शाही र महिलाबाट डिना उपाध्याय सहमहामन्त्रीको उम्मेदवार टुङ्गो लागेको एक नेताले जानकारी दिए ।