वडा अध्यक्षले खुट्टा र घाँटी काट्छु भन्न छुट छ ?

महेन्द्रनगर

२०८२ कार्तिक ३० गते आइतबार

डडेलधुरा जिल्लाको आलिताल गाउँपालिका वडा नम्बर १ का अध्यक्ष यज्ञबहादुर देउवाले स्थानीय एक युवालाई यसरी धम्काएका छन्। खुट्टा काट्ने र घाँटी काट्नेसम्मका कुरा यो संवादमा देखिएका छन्।

यी शब्दहरू सार्वजनिक गर्ने लायकसम्म छैनन् तर यसरी जनप्रतिनिधिहरूले यस्ता कुराहरू राखिराख्ने हो भने समाज कतातिर जान्छ ? अब आइन्दा यस्ता समाजमा नखप्ने भाषाहरू प्रयोग नहुन् भन्ने हेतुले जस्ताको तस्तै यो रेकर्ड सार्वजनिक गरिएको छ।

यो रेकर्ड वडा अध्यक्षको हो होइन भनेर स्पष्ट गर्नका निमित्त वडा अध्यक्षको सम्पर्क नम्बर ९८४११५ १६८१ र 9863110534 म सम्पर्क गर्न खोजियो। तर अध्यक्षको नम्बर स्विच अफ छ भने जवाफ आयो । यस पछाडि पालिका अध्यक्ष समेतलाई फोन गरेर बुझ्न खोजेका थियौँ। तर उहाँको नम्बर समेत अफ देखियो।

जनताले निर्वाचित गरेका जनप्रतिनिधिले यतिसम्मका शब्दहरू प्रयोग गर्ने यसरी आफ्नै मतदाताका खुट्टा र घाँटी काट्ने सम्मका कुरा कसरी गर्न सक्छन् के यो कानुनले सहन्छ ?