२०८३ असोज ०९ गते शुक्रबार
दार्चुलाको शैल्यशिखर नगरपालिका-८ देवलमा ७१ वर्षीया लक्ष्मी जाेशीकाे हत्या घटनामा संलग्न रहेको अभियोगमा दुई जना पक्राउ परेका छन्। साेमबार राति घरमै मृत फेला परेकी जाेशीकाे हत्या गरेर गरगहना लुटपाट गरेकाे अभियाेगमा प्रहरीले दुई जनालाई पक्राउ गरेकाे हो।
पक्राउ पर्नेमा शैल्यशिखर नगरपालिका-८ कै अन्दाजी २४ वर्षीय उमेश साउद र बैतडीको डिलाशनी गाउँपालिका वडा नम्बर ५ लठ्ठेकोट घर भएका २४ वर्षकै गाेपाल नाथ रहेकाे जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी हेमराज भट्टले जानकारी दिनुभयो ।
संघीय प्रहरी कार्यालय महेन्द्रनगरबाट प्रहरी नायब निरीक्षक (सई) पदमबहादुर थापा नेतृत्वमा खटिएको टाेलीले घटनाको सफल अनुसन्धान गरेकाे बताइएको छ।
मृतक जाेशीका छिमेकी समेत रहेका ट्याक्टर चालक साउदकै याेजनामा जाेशीकाे हत्या गरेर गरगहना लुटपाट गरिएको पाइएको प्रहरीले जनाएको छ । नाथ उनको सहयोगीको रूपमा काम गर्थे।
सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) ओमबहादुर रानाका अनुसार उनीहरूले जाेशीकाे हत्यापछि लुटपाट गरेका गरगहना समेत बरामद गरिएको छ ।
उनिहरुको साथबाट सुनजस्तो देखिने गरगहना कानको मुन्द्री २ थान, नाकको मुन्द्री १ थान र नाकको फुली १ थान बरामद गरिएको प्रहरी निरीक्षक भट्टले जानकारी दिनुभयो ।
पक्राउ परेका साउद र नाथ यसअघि पनि आपराधिक घटनामा संलग्न रहेको पाइएको प्रहरीको भनाइ छ। घटनाबारे विस्तृत अनुसन्धान जारी रहेकाे जिल्ला प्रहरी कार्यालय दार्चुलाले जनाएको छ ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया