महाकाली करिडोर निर्माणस्थलबाट सुक्खा पहिरो आउँदा जोशीको घर क्षतिग्रस्त

दार्चुला जिल्लामा महाकाली करिडोर क्षेत्रबाट सुखा पहिरो आउँदा स्थानीय बासुदेव जोशीको घर क्षतिग्रस्त भएको छ।

जिल्लाको मालिकार्जुन गाउँपालिका वडा नम्बर ७ जलजीवी स्थित महाकाली करिडोर सडक निर्माण भइरहेको स्थान बाट बिहीबार राति करिब १ बजे सुक्खा पहिरो आउँदा स्थानीय वासुदेव जोशीको घरमा क्षति भएको हो।

करिडोर कार्यालयका सूचना अधिकारी इन्जिनियर विनोद रैखोलाका अनुसार गत बर्खामा उक्त स्थानमा पहिरो आएको, सडकसमेत साँघुरो भएका कारण सडक सफाई गरेर पहिरो रोक्नका लागि राजेन्द्र निर्माण सेवा निर्माण व्यवसायीबाट वाल लगाइरहेकोमा करिब ३ मिटर अग्लो वाल लगाइसक्दा एक्कासी सुखा पहिरो आएर घरमा समेत क्षति भएको बताएका छन् ।

सडक निर्माण निरन्तर हुने र घरको क्षतिपूर्ति लगायतका विषयमा निर्वाचन लगत्तै आवश्यक समन्वयहरू गरेर काम अगाडि बढाउने इन्जिनियर खोलाले बताएका छन्।