सामुहिक बलात्कारको आरोपमा २ जना पकाउ

महेन्द्रनगर

२०८२ फागुन २८ गते बिहिबार

साङ्केतिक तस्वीर

कञ्चनपुरमा नाबालिका सामूहिक बलात्कारको सिकार भएकी छन् । भीमदत्त १० वैजनाथ सामुदायिक वनमा सामुहिक बलात्कारमा परेकी हुन् । बुधबार नाबालिकमाथि सामूहिक बलात्कारको निवेदन जिल्ला प्रहरी कार्यालय कञ्चनपुरमा परेपछि दुई जना आरोपी पक्राउ परेका छन् । निवेदन आए लगत्तै नाबालिकामाथि सामूहिक बलात्कार गरेको आरोपमा दुई जनालाई पक्राउ गरेको जिल्ला प्रहरी कार्यालय कञ्चनपुरका निमित्त सूचना अधिकारी एबं प्रहरी निरीक्षक वीरेन्द्र थापाले नयाँ खबरलाई जानकारी दिए ।

उनका अनुसार भीमदत्त नगरपालिका–१० का ४७ वर्षीय नरेश गिरी र भीमदत्त नगरपालिका–९ का ४० वर्षीय हिरा नाथलाई पक्राउ गरिएको छ ।

उनीहरूले भीमदत्त नगरपालिका–१० स्थित बैजनाथ सामुदायिक वनको जंगलभित्र लगेर नाबालिकामाथि जबरजस्ती करणी गरेको भन्दै प्रहरीमा उजुरी परेको थियो। सोही उजुरीका आधारमा दुवै जनालाई पक्राउ गरिएको हो ।

घटनाबारे थप अनुसन्धान भइरहेको जिल्ला प्रहरी कार्यालय कञ्चनपुरका निमित्त सूचना अधिकारीले जानकारी दिए ।

उनका अनुसार घटना संवेदनशील भएकाले सघनरुपमा थप अनुसन्धान भइरहेको छ ।