तपाईंको विज्ञापन यहाँ राख्नुहोस्

नाबालक कुट्ने माथि ज्यान मुर्दा दर्ता

महेन्द्रनगर

२०८३ बैशाख १७ गते बिहिबार

कञ्चनपुरमा तरबूजा चाेरीकाे आरोपमा एक बालकमाथि कुटपिट भएको छ । बेदकोट–५ धरमपुरस्थित मामा घर बस्दै आएका ११ वर्षीय बालक तपेन्द्र भण्डारीमाथि कुटपिट भएको छ । सामाजिक सन्जालमा सार्वजनिक भिडियोमा ती बालकको हातखुट्टा बाँधेको देखिन्छ ।

प्रहरीका अनुसार स्थानीय ३८ वर्षीय भोज नाथले हातखुट्टा बाँधेर ती बालकमाथि कुटपिट गरेका हुन् । जिल्ला प्रहरी कार्यालयका प्रवक्ता प्रहरी नायब उपरीक्षक हेमबहादुर शाहीका अनुसार घटना बुधबारको हो ।

वडा नम्बर ५ को पोल्खरीस्थित चौधर नदी छेउमा ती बालक खेलीरहेका थिए । सोही क्रममा आफ्नो करेसाबारीबाट तरबूजा चोरी गरेको भन्दै नाथले बालकलाई निर्घात कुटपिट गरेको बताइएको छ । डीएसपी शाहीले नाथलाई पक्राउ गरि ज्यान मार्ने उद्योगमा सात दिन म्याद थप गरिएको जानकारी दिए ।
नाथले बालकलाई कुकुर लगाएर लखेटेको पनि बताइएको छ । आमाबाबु भारतमा रहेका बालक मामाघरकी बज्यैसंग बस्दै आएका छन् ।