सुदूरपश्चिम प्रदेशका पूर्वमुख्यमन्त्री राजेन्द्र रावलले प्रयोग गर्दै आएको सरकारी सवारीसाधन बिहीबार धनगढीमा दुर्घटनाग्रस्त भएको छ।

कैलालीको धनगढी उपमहानगरपालिका–४ स्थित नवजीवन अस्पताल अगाडिको सडकखण्डमा रावल स्वयंले चलाइरहेको उक्त गाडी अनियन्त्रित भई सडकको विपरीत लेनतर्फ प्रवेश गर्दै नालामा खसेको हो।
दुर्घटनापश्चात् स्थानीयवासीको सक्रिय सहयोगमा सवारीसाधनलाई नालाबाट बाहिर निकालिएको थियो। गाडी उद्धार गरिएपछि पूर्वमुख्यमन्त्री रावलले सोही सवारीसाधन आफैंले चलाएर उत्तरबेहडीतर्फ प्रस्थान गरेको प्रत्यक्षदर्शीहरूले बताएका छन्।
घटनाबारे थप विवरण तथा दुर्घटनाको कारण खुल्न बाँकी रहेको जनाइएको छ।