कञ्चनपुरको कृष्णपुरबाट खैरो हेरोइनसहित ४ जना पक्राउ परेका छन्।बिहीबार साँझ कृष्णपुर नगरपालिका-२ नयाँबस्तीबाट उनीहरुलाई ३० ग्राम ९३० मिलिग्राम खैरो हेरोइनसहित पक्राउ गरिएको हो। पक्राउ पर्नेमा नयाँबस्तीका ४० वर्षीय लालबहादुर सुनार, ३१ वर्षीय हेमराज जोशी, बेदकोट नगरपालिका-७ दैजीका ३१ वर्षीय बिमल पाण्डे र कैलालीको धनगढी उपमहानगरपालिका-५ तारानगरका २५ वर्षीय अशोक पाण्डे रहेका छन्।

लागूऔषधको कारोबार भईरहेको छ भन्ने गोप्य सुचनाको आधारमा लागूऔषध नियन्त्रण ब्युरो शाखा कार्यालय महेन्द्रनगर र अस्थायी प्रहरी पोष्ट बाणी कञ्चनपुरबाट संयुक्त रुपमा खटिएको प्रहरी टोली उनीहरुलाई नियन्त्रणमा लिएको हो। उनीहरुको साथबाट बीएए १३५१ नम्बरको स्कारपियो समेत बरामद गरिएको छ।

तपाईंको विज्ञापन यहाँ राख्नुहोस्