अनेरास्ववियु दार्चुला काे १३ जिल्ला अधिबेशन उद्घाटन

दार्चुला

२०७८ फागुन २५ गते बुधबार

नेकपा एमालेको भातृ संगठन अनेरास्ववियु दार्चुलाको १३ औँ जिल्ला अधिवेशन उद्घाटन गरिएको छ । अनेरास्ववियुका जिल्ला संयोजक आनसिह बडालको अध्यक्षतामा आयोजित उद्घाटन सत्रमा अनेरास्ववियुका केन्द्रिय अध्यक्ष सुनिता बराल प्रमुख अतिथि रहनुभएको थियो भने केन्द्रिय उपाध्यक्ष एवं सुदूरपश्चिम इन्चार्ज मोती बिक विशिष्ट अतिथि रहनुभएको थियो ।

कार्यक्रमको उद्घाटन सत्रलाई सम्बोधन गर्दै अनेरास्ववियु केन्द्रिय अध्यक्ष सुनिता बरालले अनेरास्ववियु विद्यार्थीका मुद्दाहरूमा केन्द्रित संगठन भएको धारणा राख्नुभयो । अनेरास्ववियुमा आवद्ध विद्यार्थीहरुले राम्रो शैक्षिक उपलब्धि हासिल गर्नुपर्ने उहाँको भनाई छ ।

जिल्ला नेतृत्व चयन गर्दै अधिवेसन सम्पन्न हुने अनेरास्ववियु केन्द्रिय सचिवालय सदस्य कल्पना पालले जानकारी दिनुभयो । उहाँका अनुसार जिल्ला अध्यक्षको लागि विद्यार्थी नेता नरेन्द्र प्रसाद जोशी र सन्तोष सिह ठगुन्नाले आकाक्षां राखेका छन् । सहमतिमै नेतृत्व चयन गर्नका लागि छलफल भइरहेको उहाँले बताउनुभयो ।