२०८१ मङि्सर ०७ गते शुक्रबार
नेकपा एमाले कञ्चनपुरले वैशाख ३० गते हुने स्थानीय तह निर्वाचनका लागि ९२ वटै वडामा प्रशिक्षण कार्यक्रम गर्ने भएको छ ।
चैत्र १२ गते शनिवार जिल्लाभरका ९२ वटै वडामा बैठक तथा प्रशिक्षण कार्यक्रममा एमालेले अभियानको नारा ‘घरघरमा एमाले, जनजनमा एमाले’ राखेको छ ।
यसअघि चैत ५ गते शनिवार ९ वटै पालिकामा स्थानीय तह निर्वाचन केन्द्रित अगुवा कार्यकर्ता प्रशिक्षण कार्यक्रम सम्पन्न भइसकेको छ ।
चैत १२ गते हुने प्रशिक्षण कार्यक्रमका लागि प्रशिक्षक तयार गर्न एमाले कञ्चनपुरले प्रशिक्षक प्रशिक्षण कार्यक्रम गर्ने भएको छ । चैत १० गते दिउँसो १ बजेदेखि ९ वटै पाालिकाका मुख्य प्रशिक्षकले प्रत्येक वडाका प्रशिक्षकलाई प्रशिक्षण दिने कार्यक्रम तय भएको छ । यसरी प्रशिक्षित भएका प्रशिक्षकले १२ गतेको कार्यक्रममा वडा–वडाका नेता–कार्यकर्तालाई प्रशिक्षण दिनेछन् ।
प्रशिक्षणको तयारीका लागि चैत १० गते बिहान ११–१२ बजेसम्म पालिकाका इन्चार्ज, सहइन्चार्ज र पालिका कमिटी अध्यक्षसँग जिल्ला पदाधिकारीको बैठक हुने जिल्ला अध्यक्ष सुरेन्द्र विष्टले जानकारी दिए ।
एमालेले मुख्य प्रशिक्षकका रूपमा दोधाराचाँदनीमा ईश्वरी खरेल, भीमदत्तमा सुरेन्द्र विष्ट, बेदकोटमा गोविन्दप्रसाद कलौनी, शुक्लाफाँटामा हिरा सार्की, कृष्णपुरमा जयराज पाण्डे, पुनर्वासमा भक्तबहादुर अधिकारी, बेलौरीमा बलदेवसिंह बुडाल, लालझाडीमा रमेश थापा र बेलडाँडीमा रामचन्द्र नेपाललाई तोकेको छ ।
वडामा हुने प्रशिक्षणमा एमालेले समृद्ध नेपाल सुखी नेपालीको अवधारणा, जबज र समाजवादका आधारहरू, हालसम्म रहेका एमाले सरकारले गरेका जनपक्षीय कामको चर्चा र गठबन्धन सरकारले गरेका गलत कामको भण्डाफोड गर्ने विषयवस्तु तय गरेको छ ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया