अत्तरिया तनावग्रस्त पदमा अस्पताल ताेडफाेड

अत्तरियामा रहेको पदमा अस्पतालमा स्थानीयले तोडफोड गरेका छन् । शुक्रबार साँझ उपचारका लागि भर्ना भएका बिरामीको अस्पतालका स्वास्थ्यकर्मीको लापरबाहीले मृत्यु भएको भन्दै स्थानियले तोडफोड गरेका हुन् ।

अत्तरिया बजार क्षेत्र तनाब ग्रस्त बनेको छ । गोदावरी नगरपालिका– ३ का ३८ वर्षीय विनोदकुमार बोहराको मृत्यु भएको थियो ।

डायरियाका बिरामी बोहराको अस्पतालले लापरबाही गर्दा मृत्यु भएको भन्दै मृतकका आफन्तले अस्पताल तोडफोड गरेका ईलाका प्रहरी कार्यालय मालाखेतीका प्रहरी नायब उपरिक्षक (डिएसपी) नवराज पोखरेलले बताए ।

मृतकका आफन्तले ढुंगा प्रहार गर्दा अस्पतालको अगाडीको सिसा फुटेको छ । मृतकका आफन्तले अस्पतालको एम्बुलेन्समा समेत तोडफोड गरेका छन् ।