बझाङ्गमा जिप दुर्घटना हुदा एककाे मृत्यु तीन घाइते ।

बझाङमा गयराति जिप दुर्घटना हुदा १ जनाकाे मृत्यु भएकाे छ । जिपमा सवार ३ जना घाइते भएको जिल्ला प्रहरी कार्यालय बझाङका प्रहरी नायव उपरीक्षक ज्ञानबहादुर विष्टले बताए ।

उनका अनुसार बझाङको सुर्माबाट धनगढीतर्फ आइरहेको सुपप्र ०१–००१ च ००९५ नम्बरको जिप वित्थडचिर गाउँपालिका वडा नम्बर ४ देउलेक बजार नजिकै दुर्घटना भएका थियो ।

दुर्घनामा परी सुर्माका विनोद बोहराको घटनास्थलमै ज्यान गएको छ भने ३ जना घाइतेको देउलेकस्थित प्राथमिक स्वास्थ्य केन्द्रमा उपचार हुन नसकेपछि धनगढी रेफर गरिएको प्रहरीले जनाएको छ ।

प्रहरीका अनुसार जिप गएराति १२ः४० बजे दुर्घटना भएको हो । जिपमा ३ जना महिला र ६ जना पुरुष गरी ९ जना सवार थिए ।