महेन्द्रनगर नगरबिकास समिति तत्कालिन अध्यक्ष ,अमिन,सुब्बा र मालपाेत प्रमुख थापा सहित ६४ जना बिरुद्ध आराेप पत्र दायर ।

महेन्द्रनगर

२०७९ बैशाख ११ गते आइतबार

तत्कालीन महेन्द्रनगर नगर विकास समितिको स्वामित्वमा रहेको जग्गा गैरकानूनी तवरले लिज तथा बिक्री गरी सरकारी सार्वजनिक सम्पत्तिको हिनामिना गरी भ्रष्टाचार गरेको भन्ने भनी अख्तियारले विशेष अदालतमा आराेप पत्र दायर गरेकाे प्रवक्ता श्याम प्रसाद भण्डारिले बिज्ञप्ति मार्फत जनाएकाे छ ।

उजुरी निवेदन सम्बन्धमा अनुसन्धान हुँदा तत्कालीन नगर विकास समितिको स्वामित्वमा रहेको जग्गा व्यक्तिको नाममा हक हस्तान्तरण गर्दा अपनाउनु पर्ने विधि र प्रकृया विपरीत अध्यक्षहरुको एकल तोक आदेशको आधारमा व्यक्ति विशेषको नाममा दर्ता स्रेस्ता कायम गरी गराई हक हस्तान्तरण गरेको देखिएकाले सो कार्यमा संलग्न निम्नबमोजिमका तत्कालीन महेन्द्रनगर नगर विकास समितिका अध्यक्षहरु, समितिमा कार्यरत कर्मचारीहरु र सो जग्गा दर्ता स्रेस्ता कायम गर्ने कार्यमा संलग्न मालपोत कार्यालयका कर्मचारीहरु, कित्ताकाट प्रकृयामा संलग्न नापी कार्यालयका कर्मचारीहरु तथा जग्गा प्रथम तहमा प्राप्त गर्ने व्यक्तिहरुको हकमा कसुरमा सजाय मागदावी लिई आईत्तबार विशेष अदालत, काठमाडौंमा आरोपपत्र दायर गरेकाे छ ।