कृष्णपुर वडा २ ले टाेल टाेलमा गएर बृद्धभत्ता बितरण गर्ने ।

कृष्णपुर नगरपालिका-२ को कार्यालयले सामाजिक भत्ता टोलमै पुगेर वितरण गर्ने भएको छ । एनएमबी बैंक गुलरिया शाखाको सहकार्यमा वडा कार्यालयले सोमबार (आज) देखि टोलमै पुगेर सामाजिक भत्ता वितरण सुरु गर्ने भएकाे छ ।

अध्यक्ष समेतका वडा सदस्यहरुले चुनावमा घर घरमा बृद्धभत्ता बितरण गर्ने प्रतिवद्धता गरेका थिए । साेहि प्रतिबद्धता अनुसार टोलबाटै सामाजिक भत्ता वितरण सुरु गरिएको वडा अध्यक्ष अर्जुनसिंह साउँदले बताए । 'चुनावको क्रममा घरमै पुगेर सामाजिक भत्ता वितरण गर्ने प्रतिवद्धता गरेका थियौं,' उनले भने, 'त्यो अहिले सम्भव भएन, त्यसैले टोल - टोलमा सामाजिक भत्ता वितरण गर्दैछौं ।'

उनका अनुसार २३ गते (आज) सिद्धनाथ मन्दिर बंक, २४ गते उदय सरस्वती क्याम्पस बंक, २५ गते बाणि बजार, २६ सामुदायिक भवन बाणी मुक्त कमैया शिविर र २७ गते वडा कार्यालयबाट सामाजिक भत्ता वितरण गरिनेछ ।