कञ्चनपुरको पुनर्वासमा मोटरसाइकलको ठक्करबाट दुई वर्षीय बालकको मृत्यु भएको छ । पुनर्वास नगरपालिका वडा नम्बर ६ टाउन निवासी केशव राना मगरका कान्छा छोरा २ वर्षीय मनिष राना मगर मंगलबार मोटरसाइकलको ठक्करबाट घाइते भए लगत्तै सेती प्रादेशिक अस्पताल धनगढी लैजाँदै गर्दा बाटोमै मृत्यु भएको प्रहरीले जनाएको छ ।
इलाका प्रहरी कार्यालय त्रिभुवनबस्तीका प्रहरी निरीक्षक नरेशराज मल्लका अनुसार सोही वडाको ङ गाउँ बस्ने १७ वर्षीय मनिष सुनुवारले चलाएको यु पी ३१ के ८१३० भारतीय नम्बर प्लेटको मोटरसाइकलको ठक्करबाट बालकको मृत्यु भएको हो । सडक छेउमा खेलिरहेका बालकलाई तीव्र गतिमा रहेको मोटरसाइकलले ठक्कर दिएको बताइएको छ । मोटरसाइकल चालक मनिष सुनुवारलाई फरार हुँदै गर्दा भारतीय सीमा नजिकबाट र पछाडि सवार लक्ष्मण सुनुवारलाई घटनास्थलबाट नियन्त्रणमा लिई थप अनुसन्धान भइरहेको प्रहरी निरीक्षक मल्लले बताउनु भयो ।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया