कंचनपुरका काेराेना संक्रमित पुरुषकाे सेती प्रादेशिक अस्पतालमा मृत्यु ।

सेती प्रादेशिक अस्पतालमा उपचाररत एक जना कोरोना संक्रमितको शुक्रवार बिहान मृत्यु भएको छ । कोभिड अस्थायी अस्पतालको आईसीयूमा उपचाररत कञ्चनपुरको भीमदत्त नगरपालिका-६ का ५० वर्षीय पुरुषको कोरोना संक्रमणबाट मृत्यु भएको हो

बिहीबार अस्पताल भर्ना भएका ती पुरुषमा अल्कोहोलिक हेपाटाइटीसको समस्या थियो, परीक्षणका क्रममा उनलाई कोरोना भाइरसको संक्रमण पनि देखिएको प्रादेशिक अस्पतालका सूचना अधिकारी दिलिपकुमार श्रेष्ठले जानकारी दिए ।

उनका अनुसार मृतकले कोरोना भाइरसविरुद्धको खोप भने लगाएका थिएनन । नेपालमा कोरोनामा नयाँ भेरियन्टको संक्रमण देखिएपछि सुदूरपश्चिम प्रदेशमै पहिलो पटक संक्रमित मृत्यु भएको हो । तर ती पुरुषमा नयाँ वा पूरानै कस्तो खालको संक्रमण हो ? भन्ने कुरा खुल्न सकेको छैन ।

तपाईंको विज्ञापन यहाँ राख्नुहोस्