दार्चुला दुर्घटना अपडेट, ६ घाईतेकाे खुल्याे परिचय

दार्चुला

२०७९ भदौ ०१ गते बुधबार

दार्चुला दुर्घटनामा घाईतेकाे परिचय खुलेकाे छ । घाइते हुने ५ जना मालिकार्जुन गाउँपालिका र १ जना महाकाली नगरपालिकाका रहेका छन् । उनीहरुको गोकुलेश्वरस्थित अस्पतालमा उपचार भइरहेको छ । प्रहरीले ९ जना घाइते भएका मध्ये सिकिस्त भएका ३ परिचय अझै नखुलेको जनाएको
छ।

प्रहरीका अनुसार मालिकार्जुन गाउँपालिका ३ की ५० वर्षीया गोमती देवी धामी, ३० वर्षीया गोमती धामी, २१ वर्षीय सुमनसिंह धामी, ४२ वर्षीया रुपा धामी र सोही गाउँपालिका वडा नं. ६ की ४० वर्षीया रेवती धामी र महाकाली नगरपालिका-३ का ३५ वर्षीय रमेश लुहार पनि घाइते छन् । उनीहरुको अवस्था चिन्तामुक्त रहेको छ ।

बुधबार दिउसो शैल्यशिखर नगरपालिका-६ उल्लानीमा से १ ज ५५१ नम्बरको जीप दुर्घटना भएको थियो । जीपको अगाडिको टायर फुत्किदा दुर्घटना भएको अनुमान गरिएको छ । जीप सडकबाट करिब अढाई सय मिटर तल भीरमा खसेको थियो । मृत्यु हुने ४ पुरुष र १ जना महिलाको सनाखत हुन सकेको छैन ।