सुर्खेतको प्रतिनिधिसभा क्षेत्र नम्बर २ बाट नेपाली कांग्रेसका उम्मेदवार हृदयराम थानी विजयी भएका छन्। थानीले नेकपा एमालेका उम्मेदवार अमृतबहादुर बुढाक्षेत्रीलाई पाँच हजार ६७ मतले पराजित गरे। मुख्य निर्वाचन अधिकृतको कार्यालयका अनुसार थानीले ३४ हजार ६२५ मत प्राप्त गर्दा विसीले २९ हजार ५५८ मत प्राप्त गरेका हुन्। थानी कांग्रेसका पूर्व केन्द्रीय सदस्य हुन् भने विसी एमाले जिल्ला अध्यक्ष हुन्।

सुर्खेत–२ मा ७६ हजार ४४२ मत खसेको थियो। प्रदेश निर्वाचन आयोगका अनुसार राष्ट्रिय स्वतन्त्र पार्टीका टेकबहादुर चुनाराले तीन हजार ६०१ मत प्राप्त गरे। यस्तै राष्ट्रिय प्रजातन्त्र पार्टीका भिमबहादुर शाहीले दुई हजार ६३२ मत प्राप्त गरेका छन्।