अर्घाखाचिमा एमालेकाे अग्रता निरन्तर

महेन्द्रनगर

२०७९ मङि्सर ०७ गते बुधबार

प्रतिनिधिसभातर्फ एकमात्र निर्वाचन क्षेत्र रहेको अर्घाखाँचीमा प्रतिनिधिसभा र प्रदेशसभामा नेकपा (एमाले)का उमेदवारले अग्रता कायम गरेका छन् ।

प्रतिनिधिसभाको ४९ हजार ६७ मतगणना हुँदा एमाले सचिव टोपबहादुर रायमाझीले २३ हजार ७२७ मत ल्याएका छन् भने नेपाली कांग्रेसकी पुष्पा भुसालको २१ हजार ६६४ र राष्ट्रिय स्वतन्त्र पार्टीका हरि भुसालको १ हजार ६८६ मत छ ।

रायमाझी र भुसालको मतान्तर २ हजार ६३ छ भने ४० हजार ४४६ मतगणना हुन बाँकी छ । अहिलेसम्म यहाँ १६०० मत बदर भएको छ ।

यस्तै, प्रदेशसभा १ मा ३० हजार ३० मतगणना हुँदा एमालेका चेतनारायण आचार्यले अग्रता कायमै राखेका छन् । आचार्यको १४ हजार २८३ मत छ । गठबन्धनको समर्थनमा उमेदवार बनेका जनमोर्चाका सागर केसीको १४ हजार ५१ मत छ । यहाँ बदर मतको संख्या ८६९ छ ।

प्रदेशसभा २ मा गणना भएको ३४ हजार ८०९ मतमध्ये एमालेका रामजी घिमिरेले अग्रता कायमै राखेका छन् । घिमिरेको १६ हजार ७९१ मत छ । कांग्रेसका कमल भुसालको १५ हजार ९१४ मत छ भने ८४१ मत बदर भएको छ ।