अनेरास्ववियूद्वारा सुप विश्वविद्यालय उपकुलपति कार्यालयमा तालाबन्दी ।

महेन्द्रनगर

२०७८ पुष ११ गते आइतबार

अनेरास्ववियूद्वारा सुप विश्वविद्यालय उपकुलपति कार्यालयमा तालाबन्दी ।

नेकपा एमाले निकट अनेरास्ववियुले सुदूरपश्चिम विश्विद्यालयमा तालाबन्दी गरेको छ । संगठनले उठान गरेका शैक्षिक सुधारका मागप्रति वेवास्ता गरेको भन्दै अनेरास्ववियुले आइतबार सुप विश्वविद्यालय केन्द्रीय कार्यालयमा तालाबन्दी गरेको हो । अनेरास्ववियु कञ्चनपुरका अध्यक्ष कमल रोकायाले संगठनले विश्वविद्यालय सुधारका लागि चार दिन अघि बुझाएको मागप्रति विश्वविद्यायले वेवास्ता गरेका कारण बाधय भएर तालाबन्दी गरेको बताए । ‘हामीले उपकुलपति बस्ने केन्द्रीय कार्यालयमा तालाबन्दी गरेका छौँ, ‘उनले भने, ‘गलत कार्य नसच्चिदासम्म आन्दोलन जारी रहन्छ ।’ अनेरास्ववियूले सुप विश्वविद्यालयलाई उपकुलपति जोशीले नातावाद पार्टी नेता कार्यकर्ताको भर्तीकेन्द्र बनाएको आरोप लगाउँदै राजनीतिक गर्ने हो भने उपकुलपति पद त्यागेर जानुपर्नेमा जोडदिएका छन । केही अनेरास्ववियूका विद्यार्थी नेताहरुले उपकुलपतिले भेगिय, क्षेत्रीय, जातिय एव राजनीतिक रुपमा बिभेद गर्दै आफ्नालाई काँखी च्याप्ने प्रवृतिले विश्वविद्यालय धसासायी बन्दै गएको छ । केही दिन अघि सुप विश्वविद्यालयको सेनिटबाट गरिएका निर्णय अपादर्शी भएको भन्दै विद्यार्थी संगठनले आन्दोलन चर्काएका छन ।