गाेदावरिमा दुर्घटना ६ जना घाइते ।

महेन्द्रनगर

२०७८ पुष १८ गते आइतबार

गोदावरी नगरपालिका–३ चौकिडाडामा स्कारपियो दुर्घटना हुँदा भारतीय यात्रुसहित ६ जना घाईते भएका छन् । भारतीय नम्बर प्लेटको स्कारपियोले अटो रिक्सालाई ठक्कर दिदा दुर्घटना भएको हो । दुबै सवारीसाधनमा रहेका ३/३ गरी ६ जना घाइते भएको प्रहरीले जनाएको छ ।

स्कारपियोमा सवार यात्रु भारतको नैनितालबाट भगवान पशुपती नाथको दर्शन गर्न काठमाडौं गइरहेका थिए । इलाका प्रहरी कार्यालय अत्तरियाका प्रमुख डिएसपी नवराज पोखरेलका अनुसार
महेन्द्रनगरबाट पूर्वतर्फ गइरहेको भारतीय युके ०४ एजी ९५७८ नम्बरप्लेटको स्कारपियोले से १ ह १९७० नम्बरको अटोलाई ठक्कर दिएको थियो ।

‘स्कारपियोले अटोलाई ठक्कर दिदा डिसब्यालेन्स भएर बिजुलीको पोलमा गएर ठोक्किएको देखिएको छ,’ उनले भने, ‘घाइतेहरुको अवस्था सामान्य छ ।’ दुर्घटनामा अटो चालक ३३ बर्षीय भवानी महरा, २९ बर्षीय निर्मला सिंह, बझाङको बुगंल नगरपालिका–४ बस्ने ४८ बर्षीय दुर्गा नाथ घाइते भएका छन् ।

स्कारपियोमा सवार १२ बर्षीय बिष्णुमणी जोशी, ४२ बर्षिय मनोज पन्त र स्कारपियो चालक मनोजकी ९ बर्षीया छोरी सिद्धी जोशी पनि घाइते भएकी छन् । डिएसपी पोखरेलले स्कारपियोमा सवार यात्रु भारतको नैनितालबाट काठमाडौंस्थित पशुपतिनाथ दर्शनका लागि हिडेको बताए ।