२०८१ मङि्सर ०८ गते शनिबार
दार्चुलाको महाकाली नगरपालिका भित्रका विद्यालय माघ ४ गतेसम्मका लागि बन्द भएका छन् । आइतबारदेखि १० दिनसम्म पठनपाठन बन्द हुने नगरपालिकाले जनाएको छ। नगरपालिका भित्रका विद्यालयहरुले शुक्रबार (हिजो) नै विद्यार्थीहरुलाई माघ ४ गतेसम्मका लागि विद्यालय विदा भइसकेको जानकारी गराएका छन् ।
बढ्दो चिसोले विद्यालय आउने बालबालिकाहरुको स्वास्थ्यमा समस्या निम्त्याउने हुँदा नगरभित्रका सबै सामुदायिक र संस्थागत विद्यालयलाई पठनपाठन बन्द गर्न आग्रह गरिएको निमित्त प्रमुख प्रशासकिय अधिकृत नरसिह बडालले जानकारी दिनुभयो । हाल नगरपालिकाभित्र ९ वटा संस्थागत र ४८ वटा सामुदायिक विद्यालय रहेका शिक्षा युवा तथा खेलकुद शाखाले जनाएको छ।
दार्चुला बहुमुखी क्याम्पस दार्चुलाले भने सुदूरपश्चिम विश्वविद्यालय केन्द्रीय कार्यालयको निर्णय अनुसार यसअघि नै हिउँदे विदा दिइसकेको छ । पुस १५ गतेदेखि माघ ४ गतेसम्मका लागि क्याम्पसमा पठनपाठन बन्द गरिएको क्याम्पस प्रमुख कृष्णसिंह साउदले जानकारी दिनुभयो । विदाको दिन बाहेक विहान १० बजेदेखि दिउँसो ४ बजेसम्म क्याम्पस प्रशासन भने सञ्चालनमा रहेको क्याम्पस प्रमुख साउदले बताउनुभयो ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया