शैल्यशिखरका २ कर्मचारि ५८ लाख बढिका नगद र चेक सहित पक्राउ

महेन्द्रनगर

२०८१ साउन ०७ गते सोमबार

शैल्यशिखरका २ जना कर्मचारि नगद र चेक गरि ५८ लाख बढि सहित पक्राउ ।

जिल्ला दार्चुला, शैल्यशिखर नगरपालिकाका कृषि प्राविधिक (अधिकृत) मोहन सिंह धामी र कृषि प्राविधिक अशोक सिंह धामीले कृषि समूहको बिल भुक्तानी गर्दा कमिशन वापत सेवाग्राहीसँग घुस/रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगले पक्राउ गरेकाे जनाएको छ ।

पक्राउ परेका बखत पुष्टि नगरेकाे अख्तियारले कञ्चनपुरबाट खटिई गएको टोलीले निज मोहन सिंह धामी र अशोक सिंह धामीलाई सेवाग्राहीबाट नगद रु.४,१२,०००।–(चार लाख बाह्र हजार रुपैयाँ) घुस/रिसवत लिइसकेको अवस्थामा उक्त रकम र निजहरुको साथबाट रु.४५,६०,०००।– (पैतालीस लाख साठी हजार) को ५ (पाँच) थान चेक र अशोक सिंह धामीको नाममा काटिएको रु.२,५०,०००।– (दुई लाख पचास हजार) को २ (दुई) वटा गरी रु.५,००,०००।–(पाँच लाख) को चेकसहित जिल्ला कैलाली, धनगढी उपमहानगरपालिका वडा नं. ४ बोराडाडीबाट नियन्त्रणमा लिई थप अनुसन्धान भइरहेको उल्लेख गरेकाे छ ।