नागरिक उड्डयन मंन्त्री आले चढेकाे गाडि दुर्घटना

संस्कृति पर्यटन तथा नागरिक उड्डयन मन्त्री प्रेम आले चढेको गाडी दुर्घटनामा परेको छ । धनगढी बिमानस्थलबाट मेन रोड क्रस गर्दै गरेको अवस्थामा कारले ठक्कर दिँदा मंगलबार साँझ गाडी दुर्घटनामा परेको हो ।

मन्त्री आले महेन्द्रनगरको एक कार्यक्रममा सहभागी हुन त्यस तर्फ जाँदै गरेको बुझिएको छ । मन्त्री आले चढेको सुप्रप ०१००१ झ ३३३ नम्बरको गाडीलाई बा ४ च १३७७ नम्बरको कारले ठक्कर दिएको सुदूरपश्चिम प्रदेश ट्राफिक प्रहरी कार्यालय अत्तरियाले जानकारी दिएको छ ।

मन्त्री आलेको अवस्था भने सामान्य रहेको प्रहरीले जनाएको छ । गाडी दुर्घटनामा परेपछि अर्को गाडी प्रयोग गरेर उनि महेन्द्रनगरमा प्रस्थान गरेका छन्। यस्तै ठक्कर दिने गाडीमा सवार सबै सकुसल रहेको प्रहरीको भनाई छ । गाडी चालकलाई प्रहरीले नियन्त्रणमा लिएको छ ।