झलारिमा मृत फेला परे भेल्लर

महेन्द्रनगर

२०८१ असोज ०५ गते शनिबार

शुक्लाफाँटा नगरपालिका–१० खुलामञ्च पिपल चातौरीमा अचेत अवस्थामा भेटिएका भेल्लर नामले चिनिने अन्दाजी ३५ वर्षिय भारतिय नागरिकको मृत्यू भएको छ । उनलाई शनिवार दिउसोतिर अचेत भएर लडिरहेको अवस्थामा फेला पारेर स्थानियले प्रहरीलाई खबर गरेका थिए।

इलाका प्रहरी कार्यालय झलारीको टोलीले उद्धार गरेर उपचारका लागि भलारी स्थित टि एण्ड सी अस्पताल पठाएको थियो। त्यहाँ सम्भव नभएपछि थप उपचारका लागि महकाली प्रादेशिक अस्पताल लगिएका भेल्लरको उपचारका क्रममा शनिवार साझ ७:३० बजेतिर मृत्यु भएको ईलाका प्रहरी कार्यालय झलारीका प्रहरी निरिक्षक झलक शर्माले वताए ।

उनको टाउको र हातमा चोटपटक रहेको स्थानीयले बताएका छन्। शव पोष्टमार्टमका लागि महाकाली प्रादेशिक अस्पताल महेन्द्रनगरमा राखिएको र घटना विषयमा थप अनुसन्धान भइरहेको ईलाका प्रहरी कार्यालय झलारीले जनाएको छ ।