खसी चाेरेर भारतिय भुमिमा पुर्याउने प्रहरी खाेरमा

महेन्द्रनगर

२०७८ पुष ३० गते शुक्रबार

खसी चाेरेर भारतिय भुमिमा पुर्याउने प्रहरी खाेरमा

दोधारा चाँदनी नगरपालिकामा खसी बाख्रा चोरेको आरोपमा एक समुहलाई प्रहरीले नियन्त्रणमा लिएको छ् । गएराती दोधारा चाँदनी नगरपालिका वडा नं. ७, ८ र ९ वडामा रहेका किसानहरुको घरमा बाँधीराखेको खसी बाख्रालाई मध्यरातमा चोरेको आरोपमा ५ जना स्थानिय युवकलाई आज बिहान प्रहरीले नियन्त्रणमा लिएको हो । रातीको समयमा दोधारा चाँदनी नगरपालिका वडा नं. ७ का हरु भट्ट, वडा नं. ९ का गोकुल थापा र वडा नं. १० निवासी किसान भुपेश बुढाको खोर ३ वटा खसी बाख्रा चोरिएको हो । बाबाथान प्रहरी चौकीका ईन्चार्ज कृष्णराज भट्टको प्रहरी र टोली र स्थानियहरुले मध्यरातमा चोरिएको खसी बाख्रालाई नेपाल–भारत सिमा क्षेत्र तथा भारतिय भुमीमा फेला पारेका हुन् । खसी बाख्रा चोरी गरेर सिमावर्ती भारतिय बजारमा बिक्रि बितरण गर्ने योजना रहेको बताईएको छ् । बाबाथान प्रहरी चौकीका ईन्चार्ज कृष्णराज भट्टको प्रहरी र टोली र स्थानियहरु गएराती देखि परिचालित भएका बताईएको छ् । अनुसन्धानको क्रममा दोधारा चाँदनी नगरपालिका वडा नं. ८ बस्ने रोशन बडवाल, वडा नं. ६ बस्ने आभाष जैशी, मुस्कान शाही र वडा नं. १० बस्ने अर्जुन सुनारलाई खसी बाख्रा चोरेको आरोपमा नियन्त्रणमा लिएको प्रहरीले जनाएको छ् । नियन्त्रणमा रहेका पाँचै जनालाई थप अनुसन्धान भईरहेको प्रहरी श्रोतको भनाई रहेको छ् ।