भिटामिन ए र जुकाकाे औषधी खुवाउने बारे स्वास्थ्य कार्यालय कंचनपुरकाे सुचना

जनार्दन र बिप्लप भेटबार्ता

महेन्द्रनगर

२०८१ असोज २९ गते मङ्गलबार

नेपाल कम्युनिस्ट पार्टीका महासचिव नेत्रविक्रम चन्द विप्लव र नेपाल कम्युनिस्ट पार्टी माओवादी केन्द्रका उपमहासचिव जनार्दन शर्माबीच भेटवार्ता भएको छ। कपिलवस्तुको शिवराज नगरपालिका ९ शिवगढीस्थित महासचिव विप्लवको निवास भोकरमा आज भेटघाट भएको हो ।
दुई नेताबीच देशको समसामयिक राजनीतिक अवस्था, माओवादी केन्द्र र नेकपा सहभागी समाजवादी मोर्चा, पुर्व माओवादी घटकहरुका विषयमा कुराकानी भएको विप्लवको सचिवालयका सदस्य एवं नेकपा कपिलवस्तु सेक्रेटरी विनोद सीले जानकारी दिए।
विप्लव र जनार्ददनबीचको भेटवार्तामा दुई पार्टीबीचको सम्भावित एकताका विषयमा पनि छलफल भएको सेक्रेटरी विनोदले जानकारी दिए । दुई नेताबीचको छलफलमा अधिकांश विषयमा समान धारणा रहेको र छलफल सकारात्मक भएको उनले जानकारी दिए।
दुई दिन अघि नेकपा एकीकृत समाजवादीका महासचिव घनश्याम भुसालले समेत कपिलवस्तु पुगेर विप्लवसंग राजनीतिक छलफल गर्नुका साथै सो पार्टीको कृषि कम्यून अवलोकन गरेका थिए।