अस्पतालका बिरामीलाई फलफुल बितरण गरेर महेन्द्रनगरमा जेसिज सप्ताह सुरु

महेन्द्रनगर

२०८१ मङि्सर १२ गते बुधबार

कञ्चनपुरको महाकाली प्रादेशिक अस्पतालमा विरामीहरुलाई फलफुल वितरण गरिएको छ । बुधवार कञ्चनपुर महेन्द्रनगर जेसीजको साप्ताहिक कार्यक्रम अन्तरगत विरामीहरुलाई फलफुल वितरण गरिएको हो । बुधबारदेखि महेन्द्रनगर जेसीजको साप्ताहिक कार्यक्रम शुरु भएको छ ।

बर्ष ०२४ का लागि महेन्द्रनगर जेसीजको साप्ताहिक कार्यक्रम शुरु भएको जनाईएको छ । महेन्द्रनगर जेसीजका कार्यकारी उपाध्यक्ष राजेन्द्र प्रशाद अवस्थीले जेसीजको साप्ताहिक कार्यक्रम अन्र्तरगत पहिलो दिन महाकाली अस्पतालमा फलफुल वितरण गरिएको बताए ।

कार्यकारी उपाध्यक्ष अवस्थीका अनुसार बिरामीलाई फलफुल वितरण गरिएको बताए । साथै अन्य दिनहरुमा सरसफाई, वृक्षारोपण लगायतका सामाजिक कार्यहरु पनि गरिने उनले बताए । कार्यक्रममा महाकाली प्रादेशिक अस्पतालका अध्यक्ष कृष्णानन्द भट्ट (किरण) ले विरामीहरुलाई फलफुल वितरणले उनिहरुलाई केही राहत हुने बताए ।

साथै आगाम दिनमा पनि यस्तै प्रकारका सहयोग को अपेक्षा रहेको बताए । उक्त कार्यक्रममा महेन्द्रनगर जेसीजका पदाधिकारी सहितका पदाधिकारी, सदस्य सहभागि भएका थिए । जेसिज महेन्द्रनगरले साताव्यापी रुपमा विवित समाजिक काम गरेर दिवस मनाउन लागेको छ ।