राष्ट्र सेवक बचत तथा ऋण सहकारी संस्था लि. कञ्चनपुरको अध्यक्षमा गंगादत्त जोशी चयन भएका छन । सहकारी संस्थाको २३ औं वार्षिक साधारण सभा तथा अधिवेशनबाट जोशी अध्यक्षमा सर्वसम्मत नयाँ समिति चयन गरिएको हाे ।
समितिको उपाध्यक्षमा देबकी जोशी, सचिव दिनेशराज भट्ट र कोषाध्यक्षमा लाल बहादुर विष्ट चयन भएको छन् । समितिमा नरेन्द्रराज जोशी, तारा प्रसाद भट्ट, लोकराज पन्त, केदार प्रसाद भण्डारी, जय सिह बोहरा, दिलराज भट्ट र रतन सिह बडाल छन् ।
विजयराज जोशी लेखा समिति संयोजक चयन भएका छन् । समिति सदस्यमा कमला जोशी र धन बहादुर बुढा सदस्य छन् । सहकारीका निवर्तमान अध्यक्ष पूर्ण बहादुर कुँबरको अध्यक्षतामा गरिएको उद्घाटन समारोहमा नेपाल निजामति कर्मचारी संगठनका केन्द्रीय अध्यक्ष लेखनाथ न्यौपाले साधारण सभा उद्घाटन गरेका थिए ।
उद्घाटन समारोहपछि बन्द सत्र गरी नयाँ समिति चयनको प्रक्रिया सुरु गरिएको थियो । निर्वाचन प्रक्रियामा सर्वसम्मत गरी जोशीको अध्यक्षतामा नयाँ समिति चयन गरिएको छ ।
उद्घाटन सत्रमा निवर्तमान अध्यक्ष कुँबरले वार्षिक प्रगति प्रतिवेदन र कोषाध्यक्ष केशवराज बडुले आर्थिक प्रतिवेदन प्रस्तुत गरेका थिए ।

बन्द सत्रबाट निवर्तमान अध्यक्ष कुँबर र कोषाध्यक्ष बडुले उद्घाटन सत्रमा प्रस्तुत गरेका प्रतिवेदन सहित सहकारीको आगामी वर्षको नीति, कार्यक्रम र बजेट लगायतका विभिन्न विषयमा छलफल गरी पारित गरिएका छन् ।
उद्घाटन समारोहका प्रमुख अतिथि निजामति कर्मचारी संगठनका केन्द्रीय अध्यक्ष न्यौपानेले सरकारसित संघर्ष गरी निजामति कर्मचारीहरुको हकहितका लागि सहकारी संस्था स्थापना गरिएको बताए ।
उनले राष्ट्र सेवक सहकारी निजामति कर्मचारी संगठनको अगुवाईमा सञ्चालन गरिएको सहकारी भएको उल्लेख गर्दै सबै राष्ट्र सेवक कर्मचारीलाई सहकारीमा आवद्ध गराउनु पर्ने बताए ।
कार्यक्रममा नेपाल निजामति कर्मचारी संगठनका केन्द्रीय सदस्य एबम् कञ्चनपुर इन्चार्ज प्रताप चन्द, पेशागत महासंघ नेपाल सुदूरपश्चिम प्रदेश अध्यक्ष डा. कविन्द्र चन्द लगायतले शुभ कामना मन्तव्य राखे ।
कार्यक्रममा सहकारीका पूर्व अध्यक्षहरु सहित असल बचकर्ता, असल ऋणी लगायतलाई सम्मान गरिएको छ ।
सहकारीका पूर्व अध्यक्षहरु हिक्मत बहादुर चन्द, कृष्ण प्रसाद पाठक, राज बहादुर चन्द र माधव प्रसाद जोशीलाई सम्मान गरिएको छ ।
यसैगरी उत्कृष्ठ बचतकर्ता हेमन कुमारी शाह, परमानन्द भट्ट, असल ऋणी मानमति कुमारी गिरी, मनिराम पाण्डेय, उत्कृष्ठ बाल बचत शान्ति जोशी भट्ट र भुपेन्द्र प्रसाद भट्टलाई सम्मान गरिएको छ ।
कार्यक्रमका प्रमुख अतिथि न्यौपानेले सबैलाई दोसल्ला ओढाएर सम्मान तथा प्रशंसापत्र प्रदान गरे । सहकारीका निवर्तमान सचिव पुरुषोत्तम भट्ट र निवर्तमान कोषाध्यक्ष केशवदत्त बडुले कार्यक्रम सञ्चालन गरेका थिए ।
कार्यक्रममा नेपाल निजामति कर्मचारी संगठनका केन्द्रीय सदस्य माला गौतम, नेपाल पेशागत महासंघ नेपाल कञ्चनपुरका पूर्व अध्यक्ष देबदत्त जोशी, नेपाल निजामति कर्मचारी संगठन कञ्चनपुरका अध्यक्ष मान बहादुर चन्द लगायतका सहभागी भएका छन् ।