२०८१ पुष २० गते शनिबार
कञ्चनपुरमा १६ वर्षीया बालिकालाई अपहरण गरेर शरीर बन्धक गर्ने दुई जना पक्राउ परेका छन्।
पक्राउ पर्नेमा भीमदत्त नगरपालिका–१६ का ३५ वर्षीय महेश सिंह खत्री र सोही ठाउँका ३३ वर्षीय धुर्व जोशी रहेका छन्।
जिल्ला प्रहरी कार्यालयकञ्चनपुरका डीएसपी उमेश जोशीका अनुसार शनिबार पुस १३ गते भीमदत्त नगरपालिका–६ शिव मन्दिर नजिक नहरमा ती १६ वर्षीया किशोरीलाई बाटोमा साथीहरुसंग रहेको बेला मोटरसाइकलमा अपरिचित दुई जना आएर ‘हामी प्रहरी हौँ’ भनेर मोटरसाइकलमा राखेर अपहरण गरेका थिए । अपहरणमा परेकी किशोरीको पुस १४ गते बालिकालाई लगेको सूचना आएको प्रहरीले जनाएको छ। भीमदत्त नगरपालिका–१६ वसन्तपुरबाट उद्दार गरेको थियो ।
त्यसपछि खोजीमा खटिएको प्रहरीले ती बालिकालाई भीमदत्त नगरपालिका–१६ बसन्तपुरबाट उद्धार गरेको थियो। अपहरण गरेर बालिकालाई बन्धक बनाउने कार्यमा संलग्न दुई जनालाई नियन्त्रणमा लिएर उनीहरुविरुद्ध अपहरण तथा शरीर बन्धक लिन नहुने कसूरमा हिरासतमा राखिएको छ।
जिल्ला अदालत कञ्चनपुरबाट ७ दिनको म्याद थप गरेर घटनाको बारेमा अनुसन्धान भइरहेको प्रहरीले जनाएको छ। बालिकालाई अपहरण गर्दा प्रयोग गरिएको बा.५५.प. ९६१३ नम्बरको मोटरसाइकल पनि बरामद गरिएको प्रहरीले जनाएको छ।
पीडित किशोरीलाई अहिले परिवारको जिम्मा लगाइएको छ। उनी महेन्द्रनगरमा डेरा गरी बस्थिन्। घटनाको विस्तृत अनुसन्धान भइरहेको प्रहरीले जनाएको छ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया