२०८१ पुष २२ गते सोमबार
दोधारा चाँदनी नगरपालिका ५ नम्बर वडा कार्यालयले कम्बल वितरण गरेको छ । चिसो मौसमलाई मध्यनजर गरेर वडामा रहेका जेष्ठ नागरिकहरुलाई न्यानो कम्बल वितरण गरिएको हो । पुष १९ गते वडामा रहेका गरिव, विपन्न, आर्थिक अवस्था कमजोर भएका ७२ वर्षदेखि ७५ वर्ष उमेर समूहका ३६ जना जेष्ठ नागरिकहरुलाई कम्बल वितरण गरिएको ५ नम्बर वडाका वडा अध्यक्ष केशव बहादुर खत्रीले बताएका छन । उनले विगत ३ वर्षदेखि निरन्तर रुपमा जेष्ठ नागरिकहरुको उमेर समूह छुट्याएर प्रत्येक वर्ष चिसो मौसममा जेष्ठ नागरिकहरुलाई कम्बल वितरण गर्ने गरेका छन ।
अध्यक्ष खत्रीका अनुसार आ.व. ७९÷०८० मा ८० वर्षदेखि ८५ वर्षका जेष्ठ नागरिक, ०८०÷०८१ म ७६ वर्षदेखि ७९ वर्षका र यस वर्ष ०८१÷०८२ मा ७२ वर्षदेखि ७५ वर्षसम्मका जेष्ठ नागरिकहरुलाई कम्बल वितरण गरेको बताएका छन । उनका अनुसार आउदो आर्थिक वर्षमा ६८ वर्षदेखि ७५ बर्ष उमेर समूहका जेष्ठ नागरिकहरुलाई कम्बल वितरण गरिने उद्देश्य रहेको छ । उक्त वडामा हाल ६८ वर्षदेखि माथि जेष्ठ नागरिकको संख्या १४४ रहेको र जेष्ठ नागरिकहरुको संख्या बढ्न सक्ने भएकोले २ सय जनालाई कम्बल वितरण गर्ने वडाको योजना रहेको बताए ।
उनले वडामा रहेका गरिव, विपन्न, आर्थिक अवस्था कमजोर भएका तथा सबै जेष्ठ नागरिकहरुलाई समेट्ने वडाको उद्देश्य रहेको वडा अध्यक्ष खत्रीले बताए ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया