२०८३ असोज ०९ गते शुक्रबार
शुक्लाफाँटा नगरपालिका–८ स्थित सुनदेवी महिला सामुदायिक वन उपभोक्ता समूहको क्षेत्र अन्तरगत पर्ने चुरे क्षेत्रबाट भरुवा बन्दुकसहित एक जनालाई पक्राउ गरिएको छ। सोमबार शुक्लाफाँटा सवडिभिजन वन कार्यालयबाट खटिएका वन रक्षक खेम साउँद र वन स्काउट इन्द्र बम नेतृत्वको टोलीले शुक्लाफाँटा नगरपालिका–६ का खडकबहादुर खड्कालाई पक्राउ गरेको हो।
राष्ट्रिय वनमा जडान गरिएका क्यामेराहरुको निरीक्षणमा गएको समयमा उनलाई पक्राउ गरिएको वन रक्षक साउँदले बताए। ‘राष्ट्रिय वनमा जडान गरिएको क्यामेराको निरीक्षण गर्न गएका थियौं, चुरे क्षेत्रको गिठे भन्ने ठाउँमा हामीले उनलाई बन्दुक लुकाई रहेको अवस्थामा देख्यौं, उनी हामीलाई देखेपछि भागे, बन्दुकलाई नियन्त्रणमा लिएर हामी आफ्नो काममा लाग्यौं,’ उनले भने।
बन्दुकलाई नियन्त्रणमा लिएपछि खड्का झगडा समेत गर्न आएको उनले बताए। ‘सुरुवातमा हामीलाई देखेर भागेका खड्कापछि क्यामेराको निरीक्षण गरेर फर्किने हामीसँग झगडा गर्न आए, त्यसपछि प्रहरीलाई खबर ग¥यौं,’ उनले भने, ‘इलाका प्रहरी कार्यालय झलारीको सहयाेगमा उनलाई पक्राउ गर्न सफल भयौं।’ पक्राउ परेका खड्कालाई इलाका प्रहरी कार्यालय झलारीको नियन्त्रणमा राखेर अनुसन्धान भइरहेको छ।
खड्का नेपाल प्रहरीका अवकास प्राप्त असई समेत हुन्। भरुवा बन्दुकसहित पक्राउ परेका खड्कामाथि अनुसन्धान भईरहेको इलाका प्रहरी कार्यालय झलारीका प्रहरी निरीक्षक झलकप्रसाद शर्माले बताए।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया