शुक्लाफाँटाको वडा नम्बर ८ मा माओवादी केन्द्रको वडा कमिटी गठन गरिएको छ। बिहीबार सोवन सिंह ठगुन्नाको अध्यक्षतामा २५ सदस्य वडा कमिटी गठन गरिएको हो। शुक्लाफाटा नगरपालिकाको वडा नम्बर ८ मा भएको भेलाबाट नयाँ वडा कमिटी चयन गरिएको हो। कमिटीको उपाध्यक्षमा हरपाल चौधरी, सचिवमा गौमती धामी, सह-सचिवमा लक्ष्मण टमाटा र कोषाध्यक्षमा राजकुमारी चौधरी र र सदस्यहरू सहित २५ सदस्य कमिटी गठन गरिएको छ। वडा भेलामा नेकपा माओवादी केन्द्रका केन्द्रीय सदस्य गोविन्द बिक प्रमुख अतिथि रहनुभएको थियो। प्रमुख अतिथि विकले नेकपा माओवादी केन्द्रको पछिल्लो जनतासँग जोडिने अभियानले जनतामा सकारात्मक प्रभाव परेको बताउनुभयो ।
 
उहाँले नयाँ कमिटीलाई शुभकामना दिँदै नेकपा माओवादीको जनतासँग जोडिने अभियानलाई निरन्तरता दिन निर्देशन दिनुभएको छ। कार्यक्रममा नेकपा माओवादी केन्द्रका प्रदेश कमिटी सदस्य ईश्वर सुनार, नेकपा माओवादी केन्द्र शुक्लाफाटा नगर कमिटीका अध्यक्ष नरेन्द्र चौधरी ‘जलन’, र नेकपा माओवादी केन्द्रका नगर कमिटी सचिव दीपकराज भट्ट लगायतका वक्ताहरुले कार्यक्रममा बोल्नुभएको थियो। कार्यक्रमलाई सम्बोधन गर्दै शुक्लाफाँटा नगर कमिटी अध्यक्ष नरेन्द्र चौधरीले नेकपा माओवादी केन्द्रले जनताको विश्वास जित्दै आएकाले आगामी दिनमा सुशासन र जनताको शासन हुने बताउनुभयो । उहाँले नवनिर्वाचित वडा कमिटीलाई बधाई दिँदै सबै पदाधिकारीहरूलाई जनताका पक्षमा काम गर्न सुझाव दिनुभयो । कार्यक्रममा नगर कमिटी सचिव दीपकराज भट्टले पार्टीले विगतका कमी कमजोरीहरुलाई सच्याउँदै आगामी दिनमा जनपक्षीय भएर काम गर्ने बताउनुभयो ।
 
उहाँले जनताका सुखदुःखमा पार्टीले सहकार्य गर्नुपर्ने बताउनुभयो । शहिद परिवारका आफन्त जनहरूले पनि पार्टीले शहिदहरुको बाटोमा हिँड्नुपर्ने सुझाव दिनुभएको थियो। कार्यक्रममा नम्बर निर्वाचित वडा कमिटी अध्यक्ष ठगुन्नाले कमिटीले जनताको भावनाअनुसार काम गर्ने र एक नम्बर पार्टी बनाउने प्रतिबद्धता जनाउनुभएको छ। नेकपा माओवादी केन्द्रले सबै वडा तथा नगरहरूमा सम्मेलन तथा अधिवेशनहरू गरिरहेको छ।