कञ्चनपुरको दोधारा चाँदनी नगरपालिकाका जंगली हात्तीबाट अन्नवाली जोगाउन र सुरक्षित रहन सर्चलाईट बितरण गरिएको छ् । दोधारा चाँदनी नगरपालिकाको वडा नं. ७ संसारीटोलमा शुक्लाफाँटा राष्ट्रिय निकुञ्ज क्षेत्रबाट बस्ती भित्रिदै आएको जंगली हात्तीको बथानले अन्नवाली नष्ट गर्नुको साथै मानविय क्षती हुनसक्ने अवस्थालाई मध्यनजर राख्दै हात्तीपिडित क्षेत्रमा नेपाल राष्ट्रिय समाज कल्याण संघ (एनएनएनएसडब्लुए) कञ्चनपुरको सहयोग र दोधारा चाँदनी नगरपालिकाको सहकार्यमा सर्चलाईट बितरण गरिएको दोधारा चाँदनी नगरपालिकाका नगरप्रमुख किशोर कुमार लिम्बुले बताउनुभएको छ् । जंगली हात्ती प्रभावित यस वडामा स्थानीयलाई रातीको समयमा हिडडुल गर्न र हात्तीबाट बच्न सहज होस् भन्ने उद्देश्यले सर्चलाईट बितरण गरिएको नगरप्रमुख किशोर कुमार लिम्बुले बताउनुभयो । संसारीटोलका जंगली हात्तीले प्रभावित भएका २० घरधुरीलाई २० थान सर्चलाईट बितरण गरिएको नगरप्रमुख किशोर कुमार लिम्बुले बताउनुभयो । नेपाल राष्ट्रिय समाज कल्याण संघ (एनएनएनएसडब्लुए) कञ्चनपुरको सहयोग र दोधारा चाँदनी नगरपालिकाको सहकार्यमा २० थान सर्चलाईट बितरण गरिएको नगरप्रमुख लिम्बुले बताउनुभएको छ् । यस अघि वडा कार्यालयबाट संसारी टोल लगाएत वन्यजन्तु प्रभावित बस्तीहरुमा जंगली हात्ती प्रभावित बस्तीमा २९ थान सर्चलाईट बितरण गरिएको उहाँको भनाई छ् । सर्च लाईटले रातीको समयमा अन्नवाली जोगाउन र हात्ती आएको समयमा सुरक्षित स्थान तर्फ भाग्न सजिलो हुने स्थानियबासीहरुले बताएका छन् । दोधारा चाँदनी नगरपालिकाको शुक्लाफाँटा राष्ट्रिय निकुञ्ज क्षेत्र र भारतिय जंगल संग जोडिएको दोधारा चाँदनीका बस्तीहरुमा यतिबेला वन्यजन्तुको आतंक बढ्दो छ् । वन्यजन्तुबाट खेतवालीमा जोगाउन स्थानियबासीहरु रातभरी आगोको धुनी बालेर, पटका पड्काएर र थाली बजाएर जाग्रम बस्दै आएका छन् । वर्षेनी किसानहरुले खेती लगाएको समयमा वन्यजन्तुले अन्नवाली क्षती बनाउदै आएपछि सरोकारवालाहरु संग वन्यजन्तु आतंक रोक्न दर्घकालिन योजना बनाउनु पर्ने किसानहरुले बताएका छन् । दोधारा चाँदनी नगरपालिकाका अधिकांश स्थानियबासीहरु कृषीमा आश्रित रहदै आएका हुदा जंगली जनावरले वालीनाली नष्ट गर्न थालेपछि भोकमरीको चिन्ताले सताउन थालेको छ् ।