पेट्रोलियम तेलकाे मूल्य भयाे घट्बढ, अब कति पर्छ मूल्य ?

महेन्द्रनगर

२०८१ फागुन ०४ गते शनिबार

नेपाल आयल निगमले पेट्रोलियम पदार्थको मूल्य समायोजन गरेको छ । यस अनुसार डिजेल र मट्टितेलको मूल्य ह्वात्तै घटेको छ भने पेट्रोलको मूल्य बढेको छ ।
अब पेट्रोलको मूल्य पहिलो वर्गका क्षेत्रमा १६५.४० रुपैयाँ, दोस्रो वर्गका स्थानमा १६७ रुपैयाँ र तेस्रो वर्गका स्थानमा १६८ रुपैयाँ पर्नेछ । त्यस्तै, डिजेल र मट्टितेल पहिलो वर्गका क्षेत्रमा १५३.५० रुपैयाँ, दोस्रो वर्गका स्थानमा १५५ रुपैयाँ र तेस्रो वर्गका स्थानमा १५६ रुपैयाँ पर्नेछ ।
अहिले पहिलो वर्गमा चारआली, विराटगर, जनकपुर, अमलेखगञ्ज, भलवारी, नेपालगञ्ज, धनगढी र बीरगञ्ज डिपोबाट पेट्रोलियम पदार्थ उठाउने पम्प तथा बिक्रेता रहने गरेका छन् ।
त्यस्तै, दोस्रो वर्गमा सुर्खेत र दाङ तथा तेस्रो वर्गमा काठमाडौं, पोखरा र दीपायलका डिपो रहेका छन् । आज राती १२ बजेदेखि लागू हुनेगरी तोकिएको नयाँ मूल्य अनुसार पेट्रोल एक रुपैयाँ बढ्दा डिजेल र मट्टितेलको मूल्य प्रतिलिटर चार रुपैयाँले घटाइएको हो ।