प्रजातन्त्र दिवसका अवसरमा फाेहर उठाउने प्रतियाेगिता हुँदै, सबैभन्दा बढि फाेहर उठाउने ब्याक्ति पुरुस्कृत हुने । मंगलबार महाकाली प्रादेशिक अस्पतालमा मंगलबार पुरस्कार पाएको थाहा पाउनु हुनेछ । पुरकास्कार पाउन इच्छुक हुनु हुन्छ भने तपाई पनि मंगलबार महाकाली अस्पतालमा हुने सरसफाई प्रतियोगिता सहभागी हुन पाउनु हुनेछ ।
७५ औं प्रजातन्त्र दिवसको अवसरमा मंगलबार महाकाली प्रादेशिक अस्पतालमा सरसफाई प्रतियोगिता हुन लागेको छ । त्यस प्रतियोगितामा सबैभन्दा बढी फोहर संकलन गर्ने व्यक्तिलाई नगद पुरस्कार दिन लागिएको छ ।

भीमदत्त नगरपालिका १८ जानकी टोलस्थित सूर्योदय बहुउद्देश्यीय सहकारी संस्थाले सरसफाई प्रतियोगिता गर्न लागेको छ । अस्पतालमा विहानदेखि सुरु हुने प्रतियोगितामा सबैभन्दा बढी फोहर संकलन गर्ने व्यक्तिलाई नगद पुरस्कार प्रदान गरिने सहकारीका अध्यक्ष ईश्वरी प्रसाद खरेलले बताए ।
‘जिल्ला समन्वय समितिमा अस्ति बसेको बैठकको निर्णय अनुसार विभिन्न कार्यक्रम गरिने भएका छन्, त्यस अनुसार तीन दिन सरकारी कार्यालयमा दिप प्रज्वलन गर्ने भन्ने छ, सरसफाई कार्यक्रम पनि छ, सरसफाई कार्यक्रम हामी सूर्योदय सहकारीले गर्दैछौ’ उनले भने,‘अस्पताल हातताभित्र छरिएर रहेको प्लाष्टिकजन्य फोहर संकलन गर्ने कुरा छ, त्यसमा सबैभन्दा बढी संकलन गर्ने व्यक्तिलाई नगद पुरस्कार दिन्छौ, फोहरमा कुहिने फोहर समावेश गरिने छैन ।’
सहकारीका अध्यक्ष खरेलले प्रतियोगितामा सबैभन्दा बढी फोहर संकलन गर्ने तीन जनालाई पुरस्कार दिइने बताए । उनका अनुसार सबैभन्दा बढी संकलन गरी प्रथम हुनेलाई नगद एक हजार, द्वितीयलाई सात सय ५० र तृतीयलाई पाँच सय पुरस्कार प्रदान गरिनेछ ।अस्पतालमा विहान सुरु हुने सरसफाई प्रतियोगितमा सहभागीले अस्पताल बाहिर क्षेत्रको फोहर संकलनमा प्रतिस्पर्धा गरी विजेता छनौट गरिनेछ । विहानदेखि सुरु प्रतियोगिताको तोकिएको समयावधिभित्र मात्रै सहभागीलाई फोहर संकलन गर्न दिइनेछ ।
प्रतिस्पर्धीले संकलन गरेको फोहरको परिमाण जाँच गरी विजेता छनौट गरिनेछ । प्रतियोगितामा इच्छुक सबैले सहभागी हुन पाउने अध्यक्ष खरेलले बताए ।
प्रजातन्त्र दिवसमा पहिलो पटक सरसफाई प्रतियोगिता हुन लागेको छ । जिल्ला समन्वय समितिले फागुन ७ गते प्रजातन्त्र दिवसको अवसरमा विभिन्न कार्यक्रम मनाउन लागेको हो । त्यसका लागि समन्वय प्रमुख दुर्गादत्त बोहराले केही दिन अघि दिवस मनाउन सरोकारवा निकायसित छलफल गरेका थिए । त्यसमा सूर्योदयले सरसफाई कार्यक्रम आयोजना गर्ने जिम्मा लिएको थियो ।