कञ्चनपुर उद्योग बाणिज्य संघद्धारा आयोजित जारी पर्यटन महोत्सवमा अर्गानिक खाद्यवस्तुको आकर्षण बढेको छ् । महोत्सव स्थलको प्रवेशद्वारमै स्टल नम्बर ११४ र ११५ मा सुदर्शन कृषि तथा लघु उद्यम फर्मद्वारा उत्पादित विभिन्न अर्गानिक खाद्यवस्तु प्रदर्शनी तथा बिक्रीका लागि राखिएका छन् । 
महोत्सवको अवलोकन गर्न आउने अधिकांश मानिसहरु पसलमा एकै छिन रोकिएर भए पनि उत्सुकतापूर्वक अर्गानिक खाद्यान्न बारे जानकारी लिने साथै धैरेले खरिद पनि गर्ने गरेका छन् । सुदर्शन कृषि तथा लघु उद्यम फर्मका सञ्चालक टेक बहादुर कार्कीले महोत्सवमा अर्गानिक खाद्यान्नमा अवलोकनकर्ताको आकर्षण बढेको बताउनुभयो ।
 आफ्नो प्रदर्शनीबाट माननीय मन्त्री देखी सर्वसाधारणले अवलोकन गरेर खाद्यान्न खरिद गरेको उहाँ बताउनुहुन्छ् । अर्गानिक खाद्यन्नको बिक्रि वितरण गर्दा साथै यस प्रति उपभोक्ताहरूको आकर्षण बढेको देख्दा खुसी लागेको उहाा बताउनुहुन्छ् ।  कार्कीको प्रदर्शनीमा अर्गानिक डल्ले खुर्सानी, लसुन, गाँजर, मुला, तितो करेला, कागती, आँप, लप्सी, तामा, अमला साथै मिक्स अचार, लोकल चामल, गहुँको पीठो, मकैको पीठो, कोदोको पीठो, जौंको पिठो, फाँपरको पीठो, पहाडी गुड, सिस्नोको धुलो, मेथी, दाल चिनि, टिमुर कौन, मह, डोको, सुप्पो, छाप्रो साथै विभिन्न अर्गानिक खाद्यान्नहरु सुपथ मुल्यमा उपलब्ध छ् । 
पहाडको अर्गानिक खाद्यान्न सुपथ मुल्यमा महोत्सवमा खरिद गर्न पाउदा उपभोक्ताहरु समेत खुशी भएका छन् । बैतडीको दोगडा केदार गाँउपालिका ७ देउलेखका ४५ वर्षिय टेक बहादुर कार्की विगत ७ वर्ष देखि अर्गानिक खाद्य वस्तुहरुको उत्पादन तथा बिक्रि वितरण गर्दै आउनुभएको छ् । उहाँले भटमासको नमकिन बनाएर विद्यालयहरुमा बिक्री गर्दै आउनुभएको छ् । कार्कीले लघु उद्यम सम्बन्धी विभिन्न तालिमहरु दिएर केही युवालाई आफ्नै फर्ममा रोजगारी दिनुभएको छ् भने, कयौं युवाहरुलाई स्वरोजगार बनाउनमा पनि योगदान गर्नुभएको छ् । उहाँले फर्मलाई अझै बृहत र प्रभावकारी रुपमा सञ्चालन गर्नका लागि सरकारको सहयोगको अपेक्षा पनि गर्नुभएको छ् ।