२०८१ चैत २२ गते शुक्रबार
दार्चुलामा एक युवकले आफ्नै घरमा आगो लगाउँदा लाखौंको क्षति भएको छ । जिल्लाको महाकाली नगरपालिका वडा नम्बर ३ बाँजका २८ वर्षीय गौर सिंह महराले बिहिवार (हिजो) राती आफ्नै घरमा आगो लगाएको जिल्ला प्रहरी कार्यालय दार्चुलाका प्रहरी निरीक्षक छत्र बहादुर रावतले जानकारी दिनुभयो ।
ढुङ्गा र काठले बनेको दुई तले, ६ कोठाको घर पूर्णरूपमा जलेर नष्ट भएको उहाँले बताउनुभयो । आगो लगाउने व्यक्ति नेपाली सेनामा कार्यरत जवान हुन् । बिदामा घर आएको बेला आगो लगाएको बताइएको छ । हाल उनको मानसिक अवस्था ठिक नरहेको स्थानीयले बताएका छन् ।
यस्तै आगलागीबाट गोठमा रहेका २ वटा गाई, ३ बाच्छा, ३ बाख्रा, एउटा बोका र २ कुकुर गरि ११ पशुचौपाया मरेको प्रहरीले जनाएको छ । घटनाबारे बिहान मात्रै खबर आएको र बिहानै जिल्ला प्रहरी कार्यालयबाट प्रहरी र नेपाली सेनाको टोली खटिएको प्रहरी निरीक्षक रावतले बताउनुभयो ।
आगलागीबाट घरमा भएका लत्ताकपडा, अन्नपात लगायत सबै समान जलेर नष्ट भएको छ । घरमा आगजनी गर्ने महरालाई प्रहरीले नियन्त्रणमा लिएको र घटनाबारे थप अनुसन्धान भइरहेको प्रहरीले जनाएको छ ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया