सुदुरपश्चिम प्रदेश दार्चुला जिल्ला नौगाड गाउँपालिका वार्ड न०३ मा अवस्थित छ ।ताराकोट रमणीय ठाउँ डाडा र  चारगाउँको शिरले  परिचीत छ । किम्बदन्ती अनुसार तारा भनेको राजा को नाम र कोट भनेको ठाउँ , तारा राजाले शासन गरेको हुँदा ताराकोट नाम रहन गएको भनाइ  छ । शत्रु आईलागे प्रतिकार गर्न सजिलो होस् भनेर यो ठाउँमा बसेका हुन  ।
यस  क्षेत्र भित्र मन्दिर ,मैदान ,चरन क्षेत्र , जङ्गल , जनावर , पशुपन्क्षि , बोट बिरुवा ,कुवा ,नाला ,खरको घर  खर्क  आदि देख्न सकिन्छ ।उत्तर तिर मोति झै झल्कने हिम श्रृङ्ख ला सिद्धको टोपी  दक्षिण तिर मिलेर रहेका डाडा काडा पहाड बैतडी  डडेल्धुरा आदि क्षेत्र  नौगाड गा पा को नमुना ठाउँ सिप्टी गाउँ  देख्न सकिन्छ । पुर्बमा  अपिहिमाल गा पा क्षेत्र  र पश्चिममा भारत को धारचुला क्षेत्र अनि नौगाड गापा को रमणीय ठाउँ छिपुलथान, सुन्डमुन्ड, पारिमेला, दल्लेख, भुजान डाडा, खार देख्न सकिन्छ ।
यस ताराकोट क्षेत्रबाट नौगाड गाउँपालिका भित्र रहेका छ वटै वार्ड केही केहि स्थान देखिन्छ र नौगाड गाउँपालिका को कार्यालय पनि अवलोकन गर्न सकिन्छ ।
यो पर्यटकिय क्षेत्र दार्चुला जिल्ला कै बिच भागमा पर्छ दार्चुला जिल्लाको नक्सा हेर्दा प्रष्ट बिचमा रहेको देखिन्छ ।
अपिनाम्पा संरक्षण क्षेत्र भित्र पर्ने ताराकोट क्षेत्र भित्र भवानीको मन्दिर पनि रहेको छ यो मन्दिर  मा पुजापाठ गर्नेहरु निरन्तर आईरहन्छ्न ।जनविश्वास अनुसार यहाँ पुजाआजा गर्दा मनका ईच्छा पूरा हुने  कामसफल बन्ने सहि बाटोमा डोर्‍याउने जनआस्था छ।
यस् क्षेत्रमा पानी संकलन हुने कुवा नाला सयौं बर्ष देखि पानी जम्मा हुँदै आएका ठाउँ (खाली ) चरी चरन क्षेत्र मैदान फाटहरु चारै तिर खुला ठाउँ रहेको छ ।गाई गोरु राख्ने खरको घर खर्क रहेको छ ।
यस ताराकोट अन्तर्गत रहेका रमणीय ठाउँका
 नाम१ भैंसीचर - पुरनो भैंसीहरु चरन गर्ने ठाउँ
 २ खर्क - खरले छाएको घर भएको ठाउँ 
 ३ ठिडकेसैन - अलि बाङ्गो टिङ्गो देखिने मैदान ।
४ झउर - जमिनको सतहमा आफै सयौं बर्षा पुरानो खाल्डो गुफा रहेको ठाउँ ।
५ मल्लो डाडा सबै भन्दा त्यो क्षेत्रको उचो रहेको डाडा आदि रहेका छ्न ।
यस ताराकोटको दायाँ तिर श्री सुशील सामुदायिक बन रहेको छ यस  भित्र पंन्क्षी कालिज  ,भ्याकुरा  ,ढुकुर ,काग, कोइली सुगा , लाटोकोसेरा ,न्याउली आदि हुन्छ्न ।
यो ठाउँ धेरै गाउहरुको केन्द्रमा पर्ने हुदा यहाँ सन्चारको लागि 4G टावर, एफएम टावर बनाउन पनि उचित देखिन्छ ।

लेखक उपेन्द्र सिह ठगुन्ना