२०८१ चैत २२ गते शुक्रबार
कन्चनपुरका नदी तथा खोला र जंगलबाट अबैध रुपमा नदीजन्य पदार्थ उत्खनन् हुने गरेको स्थानीयले गुनासो गरेका छन्। जिल्लास्थित विभिन्न खोला तथा नदीबाट अवैध रुपमा गिट्टी, बालुवा उत्खनन् हुने गरेको स्थानीयले गुनासो गरेका हुन्। शुक्लाफाटा नगरपालिका–८ स्थित अनौखी खोला, जंगल चुरे क्षेत्रबाट समेत अबैध ढुङ्गा गिट्टि नरोकिएको स्थानीयले बताएका छन्।
नगरपालिकाले अनौखी खोलामा ठेक्का प्रक्रिया अगाडि नबढाएकाले तस्करहरुले उक्त खोलाबाट नदीजन्य पदार्थ उत्खनन् गर्ने गरेको भेटिएको जनाएको छ। नगरपालिकाका प्रवक्ता लालबहादुर ऐरले गौडी खोलामा भने ठेक्का सम्झौता भएको तर अनौखी खोलामा भने ठेक्का सम्झौता हुन बाकी रहेको बताए। दिनमा स्थानीयहरुले तस्करहरुलाई भगाउने गरेपनि रातीको समयमा नदीजन्य पदार्थको तस्करी हुने गरेको उनले बताए।
अवैध उत्खनन्को गुनासो आएपछि मंगलबार जिल्ला समन्वय समिति कञ्चनपुरका प्रमुख दुर्गादत्त बोहरा नेतत्वको टोलीले अनुगमन गरेको छ। अनुगमनमा प्रमुख जिल्ला अधिकारी नारायणप्रसाद सापकोटा, डीभिजन वन कार्यालय कञ्चनप्रका प्रमुख रामबिचारी ठाकुर, प्रहरी उपरीक्षक चक्रराज जोशी, सशस्त्रका प्रहरी उपरीक्षक लोकेन्द्र जोशी, इलाका प्रहरी कार्यालयका प्रहरी निरीक्षक झलकप्रसाद शर्मा र पत्रकारसहितको टोलीले अनौखी खोला र धारापानी खोलामा अनुगमन गरेको थियो।
मंगलबारनै शुक्लाफाँटा र कृष्णपुर नगरपालिकाबाट ३ वटा ट्याक्टरलाई नियन्त्रणमा लिइएको छ। शुक्लाफाँटा नगरपालिकाबाट १ ट्याक्टर र कृष्णपुर नगरपालिकाबाट २ वटा ट्याक्टरलाई प्रहरीले नियन्त्रणमा लिएको हो। कृष्णपुरको मछेली खोलाबाट से २ त १६५५, सुपप्र ०१–००२ त ७०८० र शुक्लाफाँटाको ओदाल खोलाबाट से १ त ११९१ नम्बरको ट्याक्टर नियन्त्रणमा लिइएको इलका प्रहरी कार्यालय झलारीका प्रहरी निरीक्षक झलकप्रसाद शर्माले बताए। उनका अनुसार नियन्त्रणमा लिइएका ट्याक्टरलाई आवश्यक कारबाहीका लागि नगरपालिकालाई बुझाइएको छ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया