मानव बेचबिखन तथा ओसार पसार नियन्त्रण कार्यमा सक्रिय संस्था माईती नेपालले किशोरीहरुलाई अनुशिक्षण गरेको छ् । १५ औं अन्तर्राष्ट्रिय महिला दिवस अवसर पारेर माईती नेपाल कञ्चनपुरले किशोरीहरुलाई मानव बेचबिखन तथा ओसारपसार बिरुद्धको एक दिने कानुनी अनुशिक्षण आज सम्पन्न गरेको माईती नेपाल कञ्चनपुले जनाएको छ् ।

 भिमदत्त नगरपालिका– १४ र १८ मा रहेका २५ जना किशोरीहरुलाई मानब बेचबिखन तथा ओसारपसार बिरुद्ध एक दिने कानुनी अनुशिक्षण सम्पन्न गरेको माईती नेपाल कञ्चनपुरका संयोजक महेश्वरी भट्टले जानकारी दिएकी छन् । मानव बेचबिखन बिरुद्ध किशोरीहरु मार्फत समुदाय स्तर सम्म चेतना अभिबृद्धि गर्ने उद्धेश्यले १५ औं अन्तर्राष्ट्रिय महिला दिवसको अवसरमा माइती नेपालले किशोरीहरुलाई कानुनी अनुशिक्षणको आयोजना गरिएको संयोजक भट्टले बताएका छन् । मानव वेचविखन हुन सक्ने स्थान, तौरतरीका, प्रयोजन तथा कारण तथा कानुनी उपचारको बारेमा माईती नेपाल कञ्चनपुरका संयोजक महेश्वरी भट्टले सहजीकरण गरेका थिए । मानब बेचबिखन तथा ओसार पसार बिरुद्ध एक दिने कानुनी अनुशिक्षण कार्यक्रम निकै प्रभावकारी रहेको कार्यक्रममा सहभागी किशोरीहरुले बताएका छन् । माईती नेपाल कञ्चनपुरको कार्यालयमा सञ्चालन गरिएको एक दिने मानब बेचबिखन तथा ओसार पसार बिरुद्ध अनुशिक्षणमा किशोरीहरुले उत्सुकता साथ आफुले मनमा लागेको कुरा राखेका थिए । मानब बेचबिखन तथा ओसार पसार, कानुनी उपचारको बारेमा र माईती नेपालले मानव बेचबिखनका बिरुद्धमा गर्दै आएको प्रयासको बारेमा जानकारी पाएको कार्यक्रममा सहभागीहरुले बताएका छन् । मानव बेचबिखन भन्नाले कुनै पनि उद्देश्यले मानिस बेच्ने वा किन्ने, कुनै प्रकारको फाईदा लिई वा नलिई वेश्यावृत्तिमा लगाउने वा सोका लागी अन्य मुलुकमा बिक्रि गर्ने, प्रचलित कानून बमोजिम बाहेक झुक्याएर अंग झिक्ने र वेश्यागमन गर्ने कार्यलाई मानव बेच–बिखन भएको र यसका कानुनी उपचारको बारेमा प्रशिक्षण बारे सहभागी किशोरीहरुलाई जानकारी गराईएको छ् बिगत लामो समय देखि मानव बेचबिखन तथा ओसार पसार नियन्त्रण कार्यमा सक्रिय संस्था माईती नेपालले कञ्चनपुरको बिभिन्न ग्रामिण भेगका गाँउ, बस्तीमा जनचेतनामुलक कार्यक्रम संचालन गर्दै आएको छ् । अनुशिक्षणमा सहभागीहरुले आफुहरु सहभागी हुन पाएको खुशी ब्यक्त गरेका छन् । मानव बेचबिखन तथा ओसारपसार नियन्त्रणका लागी आम किशोरीलाई सचेत पार्नु अपरिहार्य भएकाले अनुशिक्षण संचालन गरिएको बताईएको छ् । अनुशिक्षण पश्चात माईती नेपाल कञ्चनपुरको टोली, अनुशिक्षणमा सहभागीहरुले ब्यानर, पर्चा पम्पलेट लिएर १५ औं अन्तर्राष्ट्रिय महिला दिवसको बृहत र्‍यालीमा सहभागी भएको हुन् । माईती नेपाल कञ्चनपुरले मुख्य मुख्य नाकामा सुचना तथा परामर्श केन्द्र स्थापना गरि जोखिमपुर्ण यात्रामा रहेका महिला तथा वालवालिकाहरुको उद्धार, भारत लगाएतका देश बिदेशहरुमा यौन एवं श्रम शोषणमा परेका महिला वालवालिकाहरुको उद्धार, आवाशिय सेवा, मनोसामाजिक परामर्श, कानुनी सहायता, स्वास्थ्य सेवा लगाएतका सेवा प्रदान गर्दै शिप मुलक तालिम सहित परिवार र समाजमा पुर्नमिलन लगाएतका कार्य गर्दै आईरहेको छ् ।