दिपेन्द्र सिह डडाल

जिल्ला स्वास्थ्य कार्यालय दार्चुलाले नसर्ने राेग स्क्रिनिङ्ग कार्यक्रम सम्पन्न गरेकाे हाे । कार्यालयकाे कार्यक्रम अन्तरगत स्वस्थ्य व्यक्तिहरुमा नसर्ने रोग स्क्रिनिंग  कार्यक्रम मार्मा गाउँपालिका वडा नम्बर ६ स्वास्थ्य चौकी शेरी निम्ठामा बिहिबार सम्पन्न भएको छ ।
उक्त कार्यक्रममा रक्त चाप परिक्षण तथा परामर्श, मधुमेह (रगतमा चिनी) को परिक्षण तथा परामर्श, पिसाब द्वारा मृगौलाको जाँच तथा परामर्श, तौल तथा उचाइ (BMI) जाँच तथा परामर्श, रगतमा बोसोको जाँच तथा परामर्श, दम तथा  स्वास- प्रस्वास सम्बन्धि जाँच तथा परामर्श सेवा प्रदान गर्ने लक्ष्य रहे पनि  पिसाब द्वारा मृगौलाको जाँच तथा परामर्श, रगतमा बोसोको जाँच तथा परामर्श, दम तथा  स्वास- प्रस्वास सम्बन्धि जाँच तथा परामर्श सेवा दिन विद्युतिय उपकरणहरु चलाउन विद्युत भोल्टेज कम भएको कारण दिन नसकिएको जिल्ला स्वास्थ्य कार्यालय दार्चुलाबाट कार्यक्रमको नेतृत्व गरेका डा. वेद प्रकाश पन्तले जानकारी गराउनु भएको थियो ।

कार्यक्रममा मार्मा गाउँपालिका वडा नम्बर ६ भित्रका विभिन्न टोलबाट ५३ जना सेवा ग्राहीले सेवा लिनु भएको जानकारी स्वास्थ्य चौकी शेरीका प्रमुख भुपेन्द सिह डडालले जानकारी दिनु भयो । 
 कार्यक्रममा दिन खोजिएका सेवाहरु विजुली (विद्युत)को अभावले दिन नसक्दा सेवा ग्राहीहरुले गुनासो गरेका छन् । स्थानीयहरुको महिनौ दिन सम्मको श्रमदान बाट वर्षौ देखि गाडीएका पोलहरु र महिनौ भईसक्दा समेत चार्ज हुन नसकेको ट्रान्सफर्मरले स्वास्थ्य चौकीको छेउबाट आजको कार्यक्रमलाई गिज्याई रहदा स्थानीयहरु स्वास्थ्य चौकी सम्म सेवा लिन आउदा टुलुटुलु हेर्नु सिवाय अन्य कुनै उपाय थिएन । विद्युतीय बल्बहरु समेत जलाउन नसक्ने नेपाल विद्युत प्राधिकरण को राष्ट्रिय लाईन स्वास्थ्य चौकी लगाएत नजिकैको गाउँमा पुगेको महिनौ भयो । तर आज सम्म पनि सम्बन्धित निकायको ध्यान नपुर्याउदा स्थानीयहरु आक्रोशित भएका छन । 
शेरी स्वास्थ्य चौकीको नयाँ भवन हस्तान्तरण कार्यक्रममा बोल्दै मार्मा गाउँपालिका का अध्यक्ष जमन सिह धामी ले एक महिना अघि एक महिना भित्रै शेरी निम्ठा विद्युतको राष्ट्रिय लाईनलाई आवश्यक पुननिर्माण गरी केई दिनमै शेरी स्वास्थ्यको छेउमा रहेको विद्युतीय ट्रान्सफर्मरलाई चार्ज गर्न लगाई पुर्ण किसिमको विद्युत सेवा दिलाउने आस्वासन दिए पनि आज सम्म सो लाईन बन्न नसक्दा आजको कार्यक्रम प्रभावित हुन पुगेको गुनासो सेवा ग्राहीले गर्नु भएको छ ।
यस अघि पनि जिल्ला स्वास्थ्य कार्यालयको आयोजनामा मालिकार्जुन , नौगाड  कार्यक्रम सम्पन्न गरिएको थियो ।