घरदैलोमा स्वास्थ्य सेवा दिने अभिप्रायले कञ्चनपुरको दोधारा चाँदनी नगरपालिकामा बृद्ध बृद्धाहरुलाई एक दिने निशुल्क स्वास्थ्य शिविर संचालन गरिएको छ् । दोधारा चाँदनी नगरपालिका– ३ वडा कार्यालयको आयोजनामा ६० वर्ष भन्दा माथीका बृद्ध बृद्धाहरुलाई एक दिने निशुल्क स्वास्थ्य शिविर सञ्चालन गरिएको दोधारा चाँदनी नगरपालिका– ३ का वडाध्यक्ष हरिसिंह धनाडीले जानकारी दिनुभएको छ् । वडा कार्यालयको चालु आर्थिक वर्षको योजना तथा कार्यक्रम अनुसार अति विपन्न तथा दीर्घरोगीहरु कार्यक्रमबाट प्रत्यक्ष लाभाम्वीत हुने बिश्वास गरिएको छ् । ज्येष्ठ नागरिकहरु समाजको धरोहर भएका कारण उनिहरुको स्वास्थ्य प्रति परिवार र समाजले चाँसो लिनुपर्ने वडाध्यक्ष हरिसिंह धनाडीले बताउनुभयो । उहाँले उमेर ढल्कदै जाँदा ज्येष्ठ नागरिकहरुमा हरेक स्वास्थ्य समस्या बढदै जाने हुदा स्वास्थ्यको ख्याल गर्नका लागि शिविरमा उपस्थित बृद्ध बृद्धाहरुलाई आग्रह गर्नुभएको छ् । टाढा अस्पतालमा पुगेर उपचार गर्न नसक्ने अवस्था रहेका अति विपन्न तथा दीर्घरोगीहरु कार्यक्रमबाट प्रत्यक्ष लाभाम्वीत हुने वडाध्यक्ष धनाडीले विश्वास व्यक्त गर्नुभयो । शिविरमा बिशेष गरि मधुमेह, दम र रक्तचापका विरामीहरुको निदान तथा उपचार गरिएको हो । दोधारा चाँदनी नगर अस्पतालका डा. आदित्य कुमार बर्माको टोलीले शिविरमा स्वास्थ्य परिक्षणका साथै उपचार गर्नुभएको छ् । ६० वर्ष भन्दा माथीका बृद्ध बृद्धाहरुलाई मधुमेह, दम र रक्तचाप परिक्षणका साथै उपचार गरिएको डा. आदित्य कुमार बर्माले बताउनुभयो । उपचारको क्रममा बढी समस्या भएका बिरामीहरुलाई नगर अस्पतालमा बोलाएर उपचार गर्ने कार्यक्रम रहेको डा. आदित्य कुमार बर्माले बताउनुभएको छ् । शिविरमा देखिएका बिरामीहरुलाई निशुल्क औषधी समेत बितरण गरिएको उहाँले बताउनुभयो । वडामा झण्डै ३ सय बढी ६० वर्ष भन्दा माथीका बृद्ध बृद्धाहरु रहेको दोधारा चाँदनी नगरपालिका– ३ वडा कार्यालयले जनाएको छ् । घर आँगनमा वडा कार्यालयले निशुल्क स्वास्थ्य शिविर संचालन गरि गरिब तथा विपन्न बृद्ध बृद्धाको वडा कार्यालयले स्वास्थ्यमा ख्याल राखेको भन्दै स्थानियबासीहरुले खुशी ब्यक्त गरेका छन् ।